«Ona tilim o’lmaydi !» tadbir senariysi

Sardor: — Iye, Botir, anovi sinfimizga yangi kelgan bola-ku!
Botir: — Ha, tanaffusda u bilan gaplashgandim. Qayerdan kelganligini so‘radim. U, Toshkentdan keldim, dedi. Poytaxtdan bu yoqqa kelib nima qiladi, hayronman. Yur, u bilan gaplashamiz.
(Uning oldiga borishadi).
Sardor: — Qalaysan, maktabimiz yoqdimi? (Ko‘rishadilar).
Yangi bola: — Salom, yaxshimisizlar! Ha, yoqdi. Kelinglar, tanishamiz. Mening ismim Komil. Sizlarniki-chi?
Sardor: — Mening ismim Sasha — Sardor, buniki Botir — Borya deb chaqirsang ham bo‘laveradi.
Botir: — Demak, sen Kolya, bizning qishloqlarda nima qilib yuribsan?
Komil: — Birinchidan, dadam harbiy bo‘lgani uchun xizmat safari tufayli oilamiz bilan shu yerga ko‘chib keldik. Ikkinchidan, mening ismim Komil, Kolya emas. Tilni buzib gapirish, bu o‘z tilingga hurmatsizlikdir. To‘g‘ri, o‘zga tillarni ham o‘rganish, bilish yaxshi. Lekin eng avvalo, o‘z ona tilingda to‘g‘ri so‘zlasha olish kerak.
Sardor: — Okey-okey, Kolya, sen bizga aql o‘rgatyapsanmi? Til haqida juda ko‘p gapirding. O‘zing biror tilni bilasanmi?
Botir: — Mana, do‘stim Sardor inglizcha so‘zlarni gapirishni biladi. Har bir gapiga hayron qolasan.
Komil: — Ha, sizlarning qaysi tilda gapirayotganingizni bilmay qoldim. Tillarni judayam aralashtirib gapiryapsizlar. Bu baribir ona tilimizga hurmatsizlik. Men hozirda 3ta tilni o‘rganyapman. Rus tili va ingliz tilida gaplasha olaman. Kelajakda koreys tilini ham to‘liq o‘zlashtirishga harakat qilaman. Aytishadi-ku, bilmaganin so‘rab o‘rgangan olim, orlanib so‘ramagan o‘ziga zolim.
(Shu maqolni rus va ingliz tillarida aytib beradi: Не знать — не стидно, Стидно не спросит. He be a scholar who asks what he knows not, He be an evi doer for himself if of shame he asks not. Bolalar hayron qolib Komilga havas qiladi).