Open Flow tarmog’i

Kommutator turlari

OpenFlow protokoli asosidagi kommutatorlar asosan ikki turga bo'linadi: OpenFlow only (faqat OpenFlow) va OpenFlow hybrid (gibrid).

1. OpenFlow-only kommutatorlari faqat OpenFlow standartlari asosidagi operatsiyalar negizida ishlaydi va OpenFlow konveyeri asosida qayta ishlanadi.

2. OpenFlow-hybrid kommutatorlari bir vaqtda OpenFlow operatsiyalarini ham oddiy Ethernet- kommutatsiya operatsiyalarini (VLAN, L3 marshrutlash va x k.) bajara oladi.

Realizatsiyasi bo'yicha kommutatorlar dasturiy va apparat turlariga bo'linadi.

Bugunda faqat OpenFlow protokollari bilan ishlaydigan va Gibrid, ya'ni OpenFlow va IP protokollari bilan ishlaydigan kommutatorlarni ishlab chiqaradigan kompaniyalar mavjud. Ular qatoriga NEC, HP va boshqa yirik kompaniyalar kiradi.

OpenFlow – kommutatorining asosiy funksiyalari:

1. Kontroller bilan himoyalangan kanal o'rnatish va u orqali bog'lanishni tashkil qilish;

2. Kontrollerni portlar hodati o'zgarganligi to'g'risidagi ma'lumotlar bilan ta'minlash;

3. Kontrollerni oqim to'g'risidagi yozuvlarni o'chirilganligi to'g'risidagi ma'lumotlar bilan ta'minlash;

4. Statusi o'zgarganligi va xatolik borligi to'g'risida xabar berish;

5. Yangi ma'lumot oqimi uchun qoida o'rnatish kerakligi to'g'risidagi so'rov bilan kontrollerga murojaat qilish.