O’qitish materiallari to’plami tarkibi

Savol va topshiriqlar

1. 
   Obyekt deb nimaga aytiladi?
   
2. 
   Obyektning tavsifi va tavsif qiymati haqida misollar yordamida so'zlab bering.
   
3. 
   Model deb nimaga aytiladi?
   
4. 
   Obyekt va unga mos modellarga misollar keltiring.
   
5. 
   Matematik model deb nimaga aytiladi? Matematik modellar qanday sohalarda qo 'llaniladi?
   

3-mavzu: Algoritm tushunchasi.

Algoritm dеb, masalani yechish uchun bajarilishi lozim bo’lgan amallar kеtma-kеtligini aniq tavsiflaydigan qoidalar tizimiga aytiladi.

Boshqacha aytganda, algoritm –boshlang’ich va oraliq ma`lumotlarni masalani yechish natijasiga aylantiradigan jarayonni bir qiymatli qilib, aniqlab bеradigan qoidalarning biror bir chеkli kеtma-kеtligidir.
Buning moxiyati shundan iboratki, agar algoritm ishlab chiqilgan bo’lsa, uni yechilayotgan masala bilan tanish bo’lmagan biron bir ijrochiga, shu jumladan kompyutеrga xam bajarish uchun topshirsa bo’ladi va u algoritmning qoidalariga aniq rioya qilib masalani yechadi.
Inson hayoti davomida katta-yu-kichik vazifalar yoki masalalarni hal etishni o'z oldiga maqsad qilib qo'yadi. Odatda, u o'z maqsadiga erishishi uchun bajarishi lozim bo'lgan amal yoki ishlarini hayotiy tajribasi yoki o'zlashtirgan bilimiga asoslanib ma'lum bir tartibga keltiradi. Bunga xilma-xil misollar keltirish mumkin.
1- misol. Choy damlash maqsad qilib qo'yilgan bo'lsin. U holda choy damlayotgan kishi biz uchun odatiy hoi bo'lib qolgan quyidagi ishlarni bajarishi lozim bo'ladi:

1. 
   choynak qopqog'i ochilsin;
   
2. 
   choynak qaynoq suv bilan chayilsin;
   
3. 
   choynakka bir choy qoshiq miqdorida quruq choy solinsin;
   
4. 
   choynak to'lguncha qaynagan suv quvilsin;
   
5. 
   choynak qopqog'i yopilsin;
   
6. 
   choynak sochiq bilan yopilib besh daqiqa dam yedirilsin.