O’quv fanining maqsad va vazifalari

Kirish
Ushbu dastur manbashunoslik va tarixshunoslikning vazifasi, rivojlanish bosqichlari, manbalar va ularning turlari, tarixshunoslik soщasidagi tadqiqotlarning turlari, manbashunoslik va tarixshunoslikning predmeti va vazifalari, manbashunoslikning nazariy muammolari, uning qadimiyligi, O’rta Osiyo tarixini o’rganishdagi mohiyati, «Tarix kontseptsiyasi» tushunchasi, tadqiqotlarning ob’ekti, predmeti, uslubi va vazifalari masalalari ahamiyatini ochib beradi.
Hamda, «Kadrlar tayyorlash milliy dasturi»da ko’rsatib o’tilgan talaba-yoshlarning tarixiy dunyoqarashini boyitish, ularda mustaqil fikrni qaror toptirish, tarixni mukammal darajada bilish, insoniyat tsivilizatsiyasining yutuqlaridan va tajribasidan to’la bahramand bo’lish, umuminsoniy qadriyatlarni anglab yetishga ko’maklashish va dunyo miqyosida mavjud bo’lgan muammolarning tarixiy ildizlarini izlab topish kabi dolzarb masalalarni o’rganadi.
Shuningdek, “Manbashunoslik va tarixshunoslik” fani haqidagi bilimlarni qaror topshirish mavjud ilmiy adbiyotlar va zamonaviy nazariyalar hamda olib borilayotgan tadqiqot ishlarini o’rganish, fan bo’yicha to’plangan ilg’or tajribalar, kadrlar buyurtmachilarining fikr, talab va takliflari kabi masalalarni o’z ichiga qamrab oladi.
O’quv fanining maqsad va vazifalari
Fanni o’qitishdan maqsad – talabalarda tarixshunoslik sohasidagi tadqiqotlarning turlarini va tadqiqotlar natijalarini jamlash, manbashunoslikning nazariy masalalarini, manbalarni ichki va tashqi tahlil qilishni hamda asosan, Markaziy Osiyo xalqlarining tarixi bilan bog’liq manbalar haqida umumiy ma’lumot olishi, manbalarni o’rganish har tomonlama ilmiy-qiyosiy tahlil qilishga oid bilim, ko’nikma va malaka shakllantirishdir.
Fanning vazifasi – talabalarga manbalar va tarixiy tadqiqotlarning manbashunoslikdagi va tarixnavislikdagi o’rni, tarix bilimini targ’ib qilishning shakllari, Markaziy Osiyo xalqlarining tarixi bilan bog’liq manbalar haqida umumiy ma’lumot olishi, ta’lim jarayonidda manbalar va ilmiy tadqiqotlardan ishlarida foydalanishni o’rgatishdan iborat.