O‘quvchining maktabga, bilim olishga va sinfdoshlarining unga bo‘lgan munosabatini aniqlash Ko‘rsatma

O‘quvchining maktabga, bilim olishga va sinfdoshlarining unga bo‘lgan munosabatini aniqlash


Ko‘rsatma: o‘quvchiga jadvalda berilgan savollarga o‘ziga ma’qul bo‘lgan javoblarning faqat bittasini tanlab belgilashi taklif etiladi.

T.r	Savollar	Javoblar
1.	Maktabda o‘qish senga yoqadimi?	Ha Bilmadim Yo‘q
2.	Sen har doim ta’lim muassasasiga bajonidil borasanmi yoki uyda qolishni istaysanmi?	Bajonidil boraman Har doim har xil Ko‘proq uyda qolishni xohlayman
3.	Agar o‘qituvchi ertaga hamma o‘quvchilar maktabga kelishi shart emas deb qolgudek bo‘lsa, sen qanday yo‘l tutasan?	Maktabga borar edim Bilmadim Uyda qolar edim
4.	Senga ma’lum sabablarga ko‘ra darslarning qoldirilishi yoqadimi?	Yoqmaydi Har doim ham emas Yoqadi
5.	O‘qituvchi uy vazifasi bermasligini xohlarmiding?	Xohlamas edim Bilmadim Xohlar edim
6.	Maktabda faqatgina tanaffus bo‘lishini xohlarmiding?	Yo‘q Bilmadim Xohlar edim
7.	Ota-onangga va do‘stlaringga o‘qishing, maktab haqida gapirib berasanmi?	Doim Kamdan-kam Yo‘q gapirmayman
8.	Sen o‘qituvchining fe’lini yumshoqroq bo‘lishini xohlarmiding?	Menga o‘zimning o‘qituvchim yoqadi Aniq aytolmayman Xohlar edim
9.	Sinfda do‘stlaring ko‘pmi?	Ko‘p Kam Do‘stlarim yo‘q
10.	Senga sinfdoshlaring yoqadimi	Yoqadi Unchalik emas Yoqmaydi

Natijalar tahlili
Har birinchi javob uchun – 3 ball. Oraliq javob uchun -1 ball, oxirgi javob uchun – 0 ball.
Eng yuqori ball – 30 ball.
25-30 ball. O‘qishga faolligi yuqori, o‘quvchining maktabga va bilim olishga munosabati yaxshi.
20-24 ball. Maktabga nisbatan munosabati ijobiy.
15-19- ball. Maktabga munosabati ijobiy, lekin o‘quv jarayoni uni qiziqtirmaydi.
10-14 ball. O‘zini o‘quvchi sifatida his etmaydi.
10 balldan past. Maktabga, o‘qishga munosabati salbiy