Organizmdagi suv balansining salomatlik uchun ahamiyati

---

SO‘NGI ILMIY TADQIQOTLAR NAZARIYASI 
respublika ilmiy-uslubiy jurnali 
69 
ORGANIZMDAGI SUV BALANSINING SALOMATLIK UCHUN AHAMIYATI 
 
Atadjanova Dilfuza Sharobidinovna, Soliyev Baxtiyor 
Farg‘ona jamoat salomatligi tibbiyot instituti 
Annotatsiya: Ushbu maqolada har qanday odam hayotining ajralmas qismi bo‘lgan 
suv haqida gap boradi. Maqolada organizmda suv tanqisligi asoratlari, optimal suv 
muvozanati va odam organizmi uchun suvning ahamiyati haqida so‘z boradi. 
Kalit so‘zlar: optimal suv muvozanati, degidratatsiya, suv iste’mol miqdori, suv ichish 
rejimi, chanqoq.
Аннотация: В статье идет речь о воде, которая является неотъемлемой 
частью
жизни любого человека. В статье обсуждаются осложнения дефицита 
воды
 в организме, оптимальный водный баланс и значение воды для человека. 
Ключевые слова: оптимальный водный баланс, дегидратация, норма 
потребления
 воды, режим приема воды, жажда. 
Abstract: The article deals with water, which is an integral part of any person's life. 
The article discusses the complications of water deficiency in the body, optimal water balance 
and the importance of water for human body. 
Key words: optimal water balance, dehydration, water consumption rate, water intake 
regime, thirst. 
Bugungi kunda suv - Yerdagi hayot manbai ekanligini hech kim inkor etmaydi. 
Inson, bu hayotning bir qismi sifatida, aksariyat hollarda suvdan iborat. Masalan, 
embrionning 97%, o‘rta yoshdagi odamni 65-75%, keksa odam organizmining 60-65% 
suvdan iborat. Insonning yoshi qancha katta bo‘lsa, unda suyuqlik miqdori shunchalik 
kam bo‘ladi. Tana a’zolarimiz o‘z tarkibida juda ko‘p miqdorda suv tutadi. Masalan, 
qon - 83%, miya, yurak, mushaklar - 75%, suyaklar - 20% suvdan iborat.
Bugungi kunda olimlar zamonaviy kasalliklarning juda ko‘pchiligi organizmning 
suvsizlanishi bilan bog‘liq ekanligini aniqladilar. Suvning odam organizmi uchun 
ahamiyatli ekanligini quyidagi ko‘rsatkichlardan ham ko‘rishimiz mumkin: 
• Organizmdagi suv miqdorini 2% ga kamayishida – uyquchanlik, ko‘ngil aynishi 
paydo bo‘ladi va odam o‘zini yomon his eta boshlaydi; 
• Organizmdagi suvning 6-10% ga kamayishi hansirashga, bosh og‘riqlariga, 
konsentratsiyani buzilishiga, miya faoliyatini buzilishiga olib keladi; 
• 11-19% suvsizlanish esa ko‘rish va eshitish qobiliyatini keskin pasayishiga, 
mushak to‘qimalarining tortishishiga olib keladi; 
• Organizmning 25% suv yo‘qotishi esa o‘limga olib keladi. 
Demak, inson tanasining normal ishlashi uchun optimal suv muvozanatini saqlash 
kerak. 
Suvning odam organizmi uchun foydalari: 

---