O‘rnatilgan tartibda nazoratga olgan holda ijrosini ta’minlash uchun

Oliy va o‘rta maxsus ta’lim vazirligining
2022-yil 7-apreldagi 125-son buyrug‘i ijrosini ta’minlash to‘g‘risida


O‘zbekiston Respublikasi Oliy va o‘rta maxsus ta’lim vaziri (vazirlik)ning 2022-yil 7-apreldagi Hay’atining 2022-yil 1-apreldagi 5-son kengaytirilgan majlisida ko‘rilgan masalalar yuzasidan qabul qilingan Hay’at qarori ijrosi haqida”gi 125-sonli buyrug‘ining ijrosini ta’minlash maqsadida
BUYURAMAN:

1. 
   Oliy va o‘rta maxsus ta’lim vazirining 2022-yil 7-apreldagi 125-sonli buyrug‘i rahbarlik va ijro uchun qabul qilinsin.
   
2. 
   Jismoniy va yuridik shaxslarning murojaatlari bilan ishlash, nazorat va monitoring bo‘limi (A.Xaydarkulov), Ta’lim sifatini nazorat qilish bo‘limi (A.Sattorov)lar zimmasiga;
   

bir hafta muddatda ijro.gov.uz tizimida ijro intizomini mustahkamlash va nazorat qilish tizimini kuchaytirishga qaratilgan aniq chora-tadbirlar ishlab chiqish;
muntazam ravishda, ijro intizomini ta’minlashda yo‘l qo‘yilgan xato va kamchiliklarni tanqidiy muhokama qilib borish va ularni bartaraf etish bo‘yicha tegishli chora-tadbirlarni belgilash;
bir hafta muddatda ijro intizomi va murojaatlar bilan ishlash holatini tahlil qilib, aniqlangan xato va kamchiliklarning sabablarini o‘rganish, ularni bartaraf etish va natijadorligini oshirish;
2022-yilning l-choragi yakunlari bo‘yicha ijro intizomini, jismoniy va yuridik shaxslarning murojaatlarini ko'rib chiqish holati hamda amalga oshirilgan ishlar to‘g‘risida rahbariyatga, belgilangan muddatlarda vazirlikka hisobot kiritib borish;
ijro intizomini ta’minlash hamda o‘quv jarayonining hozirgi holatini o‘rganish;
kafedra mudirlari, fakultet dekanlari va direktor o‘rinbosarlarining ish rejalarida belgilangan vazifalar va ijro muddatlarining mavhum emasligi, asosiy funksional vazifalarining aks ettirilganligi va ijrosini ko‘zdan kechirish;
chop ettirilgan yoki chop ettirilishi rejalashtirilgan o‘quv adabiyotlari uchun mazkur adabiyotlarga ehtiyoj borligi asoslantirilganligini;
fanlardan (dars jadvaldan kelib chiqib) amaliy va seminar mashg‘ulotlari ma’ruzalardan ilgarilab ketmaganligini va kafedra mudirlari tomonidan professor- o‘qituvchilar kalendar rejalarining yuritilishini ko‘zdan kechirish vazifalari yuklatilsin.

3. 
   Devonxona (T.Panjiyev) Vazirlikning 125-sonli buyrug‘i bilan tegishliligi bo‘yicha professor-o‘qituvchilar va xodimlarni tanishtirsin.
   
4. 
   Ushbu buyruq ijrosining nazoratini o‘z zimmamda qoldiraman.