Ovozi 14. indd

“РЕФЕРЕНДУМДА ФАОЛ ИШТИРОК 
ЭТАМИЗ"
Ўзбекистон ХДП Деҳқонобод туман кенгаши очиқ 
осмон остидаги тадбирларни ўтказишда давом эт-
моқда. Унда аҳолини 30 апрель куни ўтказиладиган 
референдумда иштирок этишга чорлаш, уларнинг 
янги моддалар билан боғлиқ саволларига жавоб 
қайтаришга эътибор қаратилмоқда. 
Туман Кенгашидаги Ўзбекистон ХДП гуруҳи аъ-
зоси Турдиқул Мамановнинг сўзларига кўра, Халқ 
демократик партиясидан сайланган депутатлар ва 
туман партия ташкилоти ҳамкорлигида 20 дан ошиқ 
тарғибот тадбири ўтказилди.
Хусусан, Деҳқонобод туманидаги 68-мактабда 
“Пахтачи” маҳалласи аҳолиси вакиллари ва мак-
таб жамоаси иштирокида тадбир ташкил этилди. 
Ўз келажагига, ватани тақдирига бефарқ бўлмаган 
юртдошларимиз бир манзилда жамланди. Янги таҳ-
рирдаги Конституциядаги ўзгаришлар юзасидан 
туман Кенгаши депутати Ғайрат Бойсариев ва БПТ 
етакчиси, туман Кенгаши ижроия қўмитаси аъзоси 
Нурали Максимов йиғилганларга тушунтиришлар 
берди.
Шунингдек, Деҳқонобод тумани тиббиёт бирлаш-
масида БПТ етакчиси Ражаб Ниезов ва туман партия 
кенгаши раиси Ашур Норбоев томонидан “Ўзбе-
кистон Республикаси Конституцияси тўғрисида”ги 
қонуни лойиҳаси юзасидан тарғибот тадбири ўтка-
зилди. Унда сўзга чиққанлар ижтимоий демократик 
давлат қуриш тамойиллари ҳақида сўз юритишди. 
Инсон ҳуқуқ ва манфаатлари билан боғлиқ кўплаб 
янгиликлар ҳақида аҳолини қизиқтирган саволларга 
жавоб қайтарилди.
“МЕНИНГ КОНСТИТУЦИЯМ”
Сирдарё вилояти мусиқали драма театри майдо-
ни. Ҳудуднинг фаоллари, ўз тақдири ва келажагига 
бефарқ бўлмаган инсонлар йиғилган маскан. Манзил 
Ўзбекистон Халқ демократик партиясининг навбат-
даги тарғибот тадбирига мезбон.
“Менинг Конституциям” шиори билан ўтказилган 
тарғибот сайлида партия Марказий Кенгаши раҳба-
рияти, Олий Мажлис Қонунчилик палатаси, вилоят, 
туман (шаҳар) Кенгашларига партиядан сайланган 
депутатлар, жамоатчилик фаоллари, турли соҳа 
вакиллари, қонунчилик соҳаси мутахассислари иш-
тирок этди.
Меҳнатсеварлик, меҳмондўстлиги, самимийли-
ги билан эътироф этилувчи сирдарёликлар янги 
таҳрирдаги Конституцияга бефарқ эмасликларини 
намойиш этди. Янгиланаётган Конституциянинг маз-
мун-моҳиятини яхшироқ тушуниш, чуқурроқ англаш 
учун юзлаб одам ошиқиши ҳам бежиз эмас, албатта.
Байрамона тадбирда Ўзбекистон ХДП Марказий 
Кенгаши раиси ўринбосари, Олий Мажлис Қонун-
чилик палатасидаги фракцияси аъзоси Мақсуда 
Ворисова энди давлатни эмас, инсонни, унинг ҳуқуқ-
лари кафолатини олий мақсадга кўтаришга эътибор 
қаратилаётганини алоҳида таъкидлади. Шунингдек, 
янги меъёрларнинг мазмун-моҳияти, таълим ривожи 
ва ёшлар ҳаётидаги ўрнига доир муҳим жиҳатлар 
хусусида тўлиқ маълумотлар берилди.
Байрамона муҳитда ўтган тадбирда маҳаллий 
Кенгаш депутатлари, ҳудуддаги фаоллар ҳам сўзга 
чиқиб, Асосий қомусимиз одамларимизга куч бера-
диган, кайфиятини кўтарадиган қомус бўлаётгани-
ни, ундаги меъёр ва қоидалар меҳнат жамоалари, 
маҳаллалардаги учрашув ва мулоқот жараёнларида 
халқимиз томонидан қўллаб-қувватланаётганини 
билдиришди.
Очиқ осмон остидаги тадбирлар мамлакатимиз-
нинг барча ҳудудларида байрамона кайфиятда да-
вом этмоқда.