Ovozi 14. indd

Янгиланаётган Конституция ҳақида гап кетганда 
асосан ўзгараётган меъёр ва моддалар ҳақида гапи-
риляпти, бу табиий. Айни пайтда амалдаги Конститу-
циямизнинг халқимиз қалби ва эътиқоди билан чам-
барчас боғлиқ меъёрлари ўзгармасдан қолаётгани 
ҳақида ҳам алоҳида таъкидлаш лозим.
Конституциямизнинг 8-моддасида «Ўзбекистон халқини 
миллатидан қатъи назар, Ўзбекистон Республикасининг 
фуқаролари ташкил этади». Янгиланаётган Конституцияда 
бу меъёр, бу модда ана шу муҳташам ҳолича мустаҳкам 
сақланиб қолмоқда.
Германиянинг юртимиздаги Фавқулодда ва мухтор эл-
чиси Гюнтер Оверфельд суҳбатларининг бирида “Ўзбекис-
тонда турли миллат ва элатлар, жумладан, миллий озчилик 
саналган олмонлар аҳил-иноқ яшаб келаётганини алоҳида 
таъкидламоқ лозим. Кундалик ҳаётда ҳам бағрикенглик 
яққол кўзга ташланади. Бугунги ихтилофлар замонида бу 
– эътирофга лойиқ ҳолат”, деб таъкидлаган эди.
Дарҳақиқат, бизда ҳеч кимнинг миллати, дини, ижтимоий 
ҳолати ҳақида сўралмаган. Дўстларимиз, ҳамкасбларимиз, 
қўни-қўшнилар орасида ҳам кимнинг қайси миллатга мун-
сублиги асло аҳамият касб этмаган. Ҳаммасига ватандош 
сифатида, муҳими, инсон сифатида муносабатда бўлинган. 
Мамлакатимизда инсоннинг ҳаётий муҳим халқаро ҳуқуқни 
ҳимоя қилиш ҳужжатларида тан олинган асосий ижтимоий-
иқтисодий, маданий, фуқаролик ва сиёсий ҳуқуқлари ҳамда 
эркинликлари камситишга дучор қилинмайди.
Суҳбатдошларимизнинг ҳаётда эришганлари, орзу-мақсадла-
ри, муносабати, қарашларига қулоқ тутар эканмиз, бунга яна бир 
карра амин бўлдик. Уларнинг бири маданият тарғиботчиси, бири 
умрини адабиётнинг тарғиботига сарфлаган инсон. Уларнинг мил-
лати бошқа, аммо мақсадлари бир, тиллари, турфа диллари туташ.
— Мен 1940 йили 
Жиззах вилоятининг 
Зомин туманида ду-
нёга келганман. Ўз 
қишлоғимдаги 8 йил-
лик мактабни бити-
риб, Ғаллаоролда 
10-синфни тамомла-
дим. Самарқанддаги 
институтга имтиҳон 
топширдим. Ҳаммаси-
дан юқори баҳоларни 
олган бўлишимга қа-
рамай, 2 йиллик меҳ-
нат стажи сўрашди. 
Ана шунда қишлоғим-
га қайтиб, 5-6 синф-
ларга физикадан дарс 
бердим. Чунки ҳамма 
фандан аъло баҳога 
ўқигандим. 1959 йил-
да армияга кетдим. 
Тинч океанида 4 йил 
матрос бўлиб хизмат 
қилдим. 1963 йилда 
Низомий номидаги 
институтига ўқишга кирдим. У ерни битирганимдан кейин 
олийгоҳнинг ўзига ишга олиб қолишди. Шу тариқа касбий
фаолиятим бошланиб кетди ва ҳозиргача давом этмоқда.
Ўша даврда партияга аъзо бўлиш жуда қийин эди. Менга 
шу тақдир насиб қилган экан, Сирдарё вилоятида партия 
қўмитасида турли лавозимларда ишладим. Кейинчалик 
эса проректор, декан ва яна бошқа турли ташкилотларда 
раҳбарлик вазифаларида фаолият олиб бордим. Умуман, 
ҳаётимнинг кўп қисми халқ хизматида ўтди. Турли давлат 
мукофотларига эга бўлдим. Ҳаётимдаги ранг-барангликлар 
унинг мазмунан бойлигини таъминлади.
Шу ўринда бир нарсани айтмоқчиман. Сирдарё турли 
миллат вакилларига бой ҳудуд ҳисобланади. Аммо бу эзгу 
амалларнинг йўлига ғов бўлолмайди. Аксинча, одамлар 
бирдамлик, ҳамжиҳатлик, ўзаро ҳурмат каби тушунчалар 
асосида яшайди. 
Шу юртда туғилиб ўсдим, оила қурдим, авлод қолдир-
дим. 4 қиз, бир ўғил, 12 набира, 2 чеварам бор. Болала-
римнинг ҳаммаси олий маълумотли. Қизларимдан бири 
айни пайтда Олий Мажлис Қонунчилик палатаси депутати 
сифатида фаолият юритади.
Ҳозир 83 ёшда бўлсам, ҳаётимнинг 64 йили таълим-
тарбия жараёнидаги фаолиятим билан боғлиқ. Ўзим қирғиз 
миллатига мансубман, Қирғизистонни яхши кўраман, у ер 
ҳам қалбимдан жой олган. Аммо ўз ватанимни севаман. Бу 
ердан кетиш ёки бошқа жойда яшаш каби хаёллар бўлма-
ган асло.