O‘zbek tili bayrami kuni

Toshkent davlat agrar universitetida 21-oktabr “O‘zbek tili bayrami kuni” munosabati bilan bayram tadbirlari davom etmoqda
J oriy yilning 14-oktabr kuni O‘zbek tiliga Davlat tili maqomi berilganligining 33 yillik bayrami munosabati bilan "O‘zbek tili va adabiyoti" kafedrasida kafedra o‘qituvchisi Salomat Nurmanova "Qadring baland bo‘lsin, ona tilim" mavzusida "Zooinjeneriya" fakultetining 22-82-guruh talabalari ishtirokida tadbir uyushtirdi. Tadbirni dotsent S.Xolmirzayeva va fakultet ma'naviy-ma'rifiy ishlar bo‘yicha dekan o‘rinbosari N.Tojiyev ochib berdilar.



T adbirda bir guruh talabalar o‘rtasida o‘zbek tilni madh etuvchi she'rlar, hikmatli so‘zlar va ona tilimizning buyuk daholari va ular yaragan til to‘g‘risidagi ma'lumotlardan foydalanib tuzilgan savollar asosida "Zakovat" tanlovi bo‘lib o‘tdi. Tadbirda talabalarning o‘zlari qiziqtirgan o‘zbek tili bo‘yicha savollariga javoblar berildi. Tadbir ko‘tarinki ruhda bo‘lib o‘tdi.