Aydınlı túrme –– aydınlıdan tigilgen túrme (aydınlı –– tawardıń, shıttıń túrme; túrme –– qız-kelinshekler basına oraytuǵın yamasa jigitler beline buwatuǵın jipekten toqılǵan gezleme.
Jaǵasın altı qoshqar múyizlep naǵıslaǵan qızıl jipek jegde jamılǵan. Basında haywan qaslap oraǵan aydınlı túrme.
Árebek –– burınları hayal-qızlardıń murınǵa taǵatuǵın altın yamasa gúmisten islengen bezeniw buyımı.
Tórge jaqın otırǵan sarı oraypekli qız basın kótergende qulaǵındaǵı gúmis monshaqlı sırǵası menen murnındaǵı altın árebegi jalt etti.
Báybishe –– kúndes eki hayaldıń úlkeni.
Esikten ayaǵın ǵaz-ǵaz basıp biydiń báybishesi keldi.
Begler –– el biylewshi baylar hám olardıń xızmetin etiwshi adamlar.
Keńesshiler Qutlımurat xandı ortaǵa alıp, jańa tártibin maqtastı. Qus begi meter, hákim, beglerge sheklenbegen dáreje huqıqı berildi.
Beshpent –– kóylektiń sırtınan kiyetuǵın jeńi bar, astarlı kiyim.
Jigit tórge shıǵıp maldasın qurdı. Qas-qabaǵın, moyın-basın sıypap, sıpayı tutımda otır. Ústinde qara beshpent, qara sım. Basında qara bórik...
Bilezik –– bilekke taǵılatuǵın bezeniw buyımı.
–– Meniń bilezigimdi menen sırǵamdı yamasa kiymeshegimdi satsesh! Tilla bolsa, tólep qutıl, –– dep adasqan kúyewine aqıl tawıp bergen kisidey, jawdırap turǵan kózleri birden jalt etti.
Biy –– daw-jánjellerdi, shatasqan máselelerdi sheshiw ushın saylap qoyılǵan joqarǵı klass wákilleri.
Qusbegi qáhárli kózlerin biy, qazı baylarǵa alartıp edi, olar tunjırap qaldı.
Bóz jawlıq –– bózden toqılǵan hayal-qızlardıń basına jabınıp júretuǵın jawlıǵı.
Jigitler jalt qaradı. Basında kirlegen bóz jawlıq. Ústinde góne gúrte.
Bóz kóylek –– bózden tigilgen kóylek.
Ústinde laplama boyawǵa boyalǵan bóz kóylek. Salaqlaw hayal ádiplep naǵıslaǵan. Basında shashaqlı bóz sharshı.
Darǵashı –– 1. Kemege juwapker adam. 2. Kemeniń tumsıq betinde turıp, uzın sırıqtıń járdemi menen suwdıń tereńligin anıqlap turıwshı adam. 3. Jaǵıstan qayıq penen ótkeriwshi adam.
Qaynatıwlı qaytpalarınan ga’ kúni aydarlı ushın keme aydaǵan darǵashılar da aybınıp ótedi .
Do'stlaringiz bilan baham: |
