Ozbekistan Respublikasi Joqari ham Orta arnawli bilimlendiriw ministirligi shet tilleri fakulteti Awdarma teoriyasi ham ameliyati kafedrasi Gid joldasligi ham awdarmashiliq xizmeti qanigeligi Ilimiy jumis tiykarlari paninen Ilimiy jumisi

Shıpta –– jekennen toqılǵan tósek.
Otawdıń qazası kúnde maylansa, shıptalı shańıraqlar asım balıqqa záriw boldı.
Shıt kóylek –– shıttan tigilgen kóylek.
Ústinde shıt kóylek. Basında jupqa bir tartım. Ayaǵında jalpaq taban kewish. Qaptalında Aygúldiń qoltıǵına tıǵılıp, poshshaday bolıp otır.


2.2.2. Romanda qollanılǵan arxaizmler hám olardıń mánileri
Alasat –– ǵawǵa, shawqım, jánjel, alasapıran, waqıya, ózgeris.
Búgin de bir alasattan xabar bar ma, qalay? Anaw kúngidey dawıl úyińdi kóterip ketpesin.
Ábeshiy –– ájeptáwir, ońataysız, qolaysız.
–– “Suwǵa ketkendey salısı,
Ábeshiy eken dawısı,
Adamlıqtı bilmegen ––
Bu qayaqtıń jabayısı!” –– dedi.
Ájiwalaw –– ermeklew, kúlki etiw, masqaralaw, sıqaqlaw.
Tınıshına júrmey, jaqında mektep mollasın ájiwalap qosıq shıǵarıptı.
Ári ketpegen –– sının buzbaǵan, ózgermegen, zıyan jetpegen.
Qızıl basqur qırılıp, gónereyin depti. Aq basqurdıń ele ári ketpegen.
Beldar –– qazıwshı.
Patshalıq sháhár Xiywanı sırtqı jawdan saqlaw ushın úlken diywal salınadı. Bir ay múddetke jáne bes júz beldar beresiz.
Dawrıq –– baqırıs, shawqım.
–– Xabarlasqanday adam barma eken, bul úyde? –– dep dawrıq salıp kire berdi.
Dárwish –– El aralap, qayır sadaqa sorap kún kóriwshi qálender.
Qutlıbek biydiń úyinde bir oqımıslı dárwish kórdim.
Gewgim –– kún batıp, dógerektiń gúńgirtlenip qarańǵı bolǵan waqtı. Ímırt.
Gewgim túsiwden jigitler menen jigit aǵaları qurashların qaǵıp kiyip, sılanıp-sıypanıp, otırıspaǵa qaray kiyatır.
Girdikarlı –– mal-dúnyalı, qurǵın turatuǵın, turmısı jaqsı, úlken xojalıq.
Burınǵı úyler qamıstan qaza toqıp, balıq uslap, qus mıltıq penen tirishilik etse, endi girdikarlı xojalıqlar kelip, dáryanıń, kóldiń jaǵasına shıǵırın ornattı.