Jawshı –– elshi, sawshı.
Qayıptıń qızın qarızına bere me eken? Soǵan pátiya oqıyıq dep bul saparı jawshı menen qosa jipek shapan sarpay jiberdi.
Jollıq –– jol-joba, aqıl-keńes.
Qosıbay balasınıń Xiywaǵa atlanar aldı bir kún burın xalıqtıń irásim-ırımı boyınsha jollıq beriw ushın aǵayin-tuwısqanların jıynadı.
Kenar –– kánar. Japtıń, dáryanıń ernegi, jaǵası, boyı.
Tımıq kúni iyrimi basılıp, eki kenarın jonıp, sınaptay sızılıp aǵadı.
Keńesgóyler –– aqıl-keńes beriwshiler.
Aqılgóyler menen keńesgóyler, qusbegiler menen begler kún sayın awmasıp tur.
Kise –– anaw-mınaw salıp qoyıw ushın kiyimlerge qosıp tigilgen arnawlı orın, qalta.
Qosıbay kisesine qolın urıp, eki tillanı mollanıń aldına qoydı.
Qayırshı –– qayır-saqawatlı, qayırqom, saqıy.
Xalıqqa qolın jayǵan ol da bir qayırshı ǵoy.
Qálender –– diywana.
Mal dúnyadan bezip ǵayrı jurttan bir jurtqa qálender bolıp kelipti.
Láshker –– ásker, nóker, soldat.
Al xan láshkerin Qabıl máhrem basqardı, olardıń sanı hám quralı basım edi.
Mashqı etiw –– sayranlaw, kewil qoyıw, qıyallanıw, ıqlaslanıw.
... Keregeniń basın jaǵalap tutqan qızıl basqur menen aq basqurdıń ǵayrı naǵıshlarına mashqı etti.
Mudarris ––.muǵallim, ustaz.
Ilimdi suwday ishken neshe mudarrisler sonda.
Musallat –– awırmanlıq, qıyınshılıq, baxıtsızlıq.
Qısılıp, qımırlap otırǵan Nurjamaldıń iyninen bir awır musallat túskendey balasına ıqlas kewlin ashıp, mıyıǵın tarttı.
Nóker –– ásker, láshker, soldat.
–– Úyge barǵan soń, ana qoralardan adamǵa bir sırıqtan alıń. Nókerlerdiń qılıshı –– gedeylerdiń shoqmarı. Salıń urıstı.
Partaw –– egislik emes jer, biyik jer.
Shıǵırdan suw alıp, qos-qos ógiz benen partawdı awdarǵan quwatlı shańıraqlardıń sol jılǵı egini at bawırına tireldi.
Do'stlaringiz bilan baham: |