Өзбекистан республикасының физикалық ҲƏм юридикалық шахслардың

5. Физикалық ҳəм юридикалық шахс ўəкилин қабыл-
лаўдан бас тартыў жағдайлары ҳаққында.
1
«Мəмлекетлик органларда ҳəм мəмлекетлик мəкемелерде физикалық ҳəм 
юридикалық шахслардың мүрəжатлары менен ислеў тəртиби ҳаққында»ғы үлги 
Реже. Министрлер Кабинетиниң 2015-жыл 31-марттағы №73 қарарына қосымша. //
Өзбекистан Республикасының нызам ҳүжжетлери топламы, 2015, №13, 154-ст.
2
Сонда.

---

56
Түсиник берилип атырған статьяның бесинши бөлими 
физикалық ҳəм юридикалық шахс ўəкилин қабыллаўдан бас 
тартылыўы мүмкин болған жағдайларды белгилеп берген.
Мəселен, усы статья менен белгиленген қағыйдаға 
муўапық, физикалық шахсларды ҳəм юридикалық шахслардың 
ўəкиллерин қабыллаўдан, егер олардың усындай характердеги
бурынғы мүрəжаты бойынша қарар қабыл етилген болса ҳəм 
бул туўралы оларға усы Нызамда белгиленген тəртипте хабар 
берилген болса, бас тартылыўы мүмкин.
Мүрəжатты көрип шыққан мəмлекетлик органның миннет-
лери ҳаққында түсиник берилип атырған Нызамның 23-статья-
сында толығырақ баян етилген.
6. Мəмлекетлик органларда физикалық шахсларды ҳəм 
юридикалық шахслардың ўəкиллерин қабыллаў тəртибиниң 
усы органлардың басшылары тəрепинен белгилениўи.
Түсиник берилип атырған статьяның алтыншы бөлими 
мəмлекетлик органларда физикалық шахсларды ҳəм юридикалық 
шахслардың ўəкиллерин қабыллаў тəртибин белгилеўди усы 
органлардың басшыларына жүклеген. Буның мəниси соннан 
ибарат, физикалық шахсларды ҳəм юридикалық шахслардың 
ўəкиллерин қабыллаўға байланыслы барлық мəселелер – 
қабыллаў кестесин дүзиў ҳəм тастыйықлаў, қабыллаў бойынша 
қурам дүзилмелерди ҳəм жуўапкер хызметкерлерди белгилеў, 
мəмлекетлик органның басқа хызметкерлерин усы иске тартыў 
мəселелери, қабыллаўды өткериў ўақты, орны ҳəм оған ал-
дын-ала жазылыў туўралы мəлимлеме, сондай-ақ, қабыллаў 
тəртиби, мəмлекетлик органлардың рəсмий веб-сайтларында 
жəриялаў, ҳəкимшилик имаратларындағы ҳəмме кире алатуғын 
орынлардағы стендлерде ямаса басқа да техникалық қуралларда 
жайластырыў жолы менен мəлимлемени мəпдар шахслардың 
итибарына жеткериў, сондай-ақ, зəрүр жағдайларда физикалық 
шахсларды ҳəм юридикалық шахслардың ўəкиллерин қабыллаў 

---

57
ушын өз алдына бөлме ажыратыў мəселелери усы мəмлекетлик 
орган басшысы тəрепинен шешиледи.
Мəмлекетлик органда физикалық шахсларды ҳəм юридикалық 
шахслардың ўəкиллерин қабыллаў усы мəмлекетлик орган бас-
шысы тəрепинен тастыйықланған кесте тийкарында əмелге асы-
рылады.
Зəрүр болған жағдаййларда мəмлекетлик органларда 
физикалық шахсларды ҳəм юридикалық шахслардың ўəкиллерин 
қабыллаў ушын өз алдына бөлме ажыратылады.
Қабыллаў кестелери ҳəм оны өткериў ўақты, орны ҳəм 
қабыллаўға алдын-ала жазылыў тəртиби туўралы мəлимлеме, 
сондай-ақ, қабыллаў тəртиби мəмлекетлик органлардың рəсмий 
веб-сайтларында жəриялаў, сондай-ақ, ҳəкимшилик имаратын-
да ҳəмме кириўи мүмкин болған орынлардағы стендлерге яки 
басқа техникалық қуралларға жайластырыў арқалы мəпдар 
шахслардың итибарына жеткериледи.
Мүрəжатлар менен ислеў бойынша бөлимше қабыллаўға 
келген физикалық шахсларды ҳəм юридикалық шахслардың 
ўəкиллерин қабыллаўды, сондай-ақ, физикалық шахсларды ҳəм 
юридикалық шахслардың ўəкиллерин қабыллаўға байланыслы 
жумысларды шөлкемлестиреди.
Мəмлекетлик органларда физикалық шахсларды ҳəм 
юридикалық шахслардың ўəкиллерин қабыллаў мүрəжатлар 
менен ислеў бойынша бөлимше яки тийисли қурам дүзилмеси 
хызметкерлери қатнасыўында əмелге асырылады.
Физикалық шахсларды ҳəм юридикалық шахслардың 
ўəкиллерин қабыллаўшы басшы ямаса ўəкилликли шахстың 
көрсетпеси бойынша мəмлекетлик органның басқа хызметкер-
лери де қабыллаў процессине қатнастырылыўы мүмкин.