O’zbekiston Respublikasi aloqa va axborotlashtirish Agentligi
FOYDALANILGAN ADABIYOTLAR RO’YXATI
Хайдаров Ф
| FOYDALANILGAN ADABIYOTLAR RO’YXATI ...................................
|
|
51 |
KIRISH
Hozirgi davrda jadal sur'atlar bilan rivojlanib borayotgan jamiyat uchun ta’lim – eng muhim jarayonlardan biri hisoblanadi. Xalqning farovon turmush tarzi ta’limning nechog’li sifatli va samaradorligiga bog’liq. Hozirgi murakkab iqtisodiy vaziyatda xalq xo’jaligining barcha sohalarida yuqori malakali kadrlarni ko’paytirish juda muhim hisoblanadi. Fan va texnikaning tez sur’atlarda rivojlanishiga erishish – mamlakatimiz ishlab chiqarishining qayta tug’ilishi – iqtisodiy o’sishning, xalqning ijtimoiy moddiy farovonligining kafolatidir. Bu fikrlarning tasdig’iga Respublika Prezidentining quyidagi fikrlari orqali ishonch hosil qilish mumkin:
«Bugun biz tez sur’atlar bilan o’zgarib boraytgan, insoniyat hozirga qadar boshidan kechirgan davrlardan tubdan farq qiladigan o’ta shiddatli va murakkab bir zamonda yashamoqdamiz. Bugungi kunda zamonaviy axborot maydonidagi harakatlar shu qadar tig’iz, shu qadar tezkorki, endi ilgaridek, ha, bu voqea bizdan juda olisda yuz beribdi, uning bizga aloqasi yo’q, deb beparvo qarab bo’lmaydi. Ana shunday kayfiyatga berilgan xalq yoki millat taraqqiyotdan yuz yillar orqada qolib ketishi hech gap emas.” [1].
Axborot texnologiyalari va internet-texnologiyalarning intensiv rivojlanishi bilan masofaviy ta’limning rivojlanish vazifasi muhim ahamiyatga ega. Zamonaviy masofaviy ta’lim quyidagi asosiy elementlar asosida yaratiladi: axborot uzatish muhitlari (pochta, televideniye, radio, axborotli kommunikasion tarmoqlar), axborot almashishning texnik muhitiga bog’liq usullar.
Kompyuterda testlash – bu qisqa vaqt davomida o’qituvchi tomonidan ko’p sonli talabalarni xolis tekshirishga ruxsat beradigan vositadir. Testni o’tkazishning yaxshi rejalashtirilgan grafigi talabani semestr davomida tizimli ishlashga undaydigan yaxshi omil hisoblanadi. Kompyuyerli testlar talabalar tomonidan yaxshi kutib olinadi. Kompyuyerli testning afzalligi natijalarni avtomatik tekshirish va o’tkazilayotgan testga inson tomonidan ta’sir yo’qligi hisoblanadi [6].
Bitiruv malakaviy ishining dolzarbligi: ta’lim jarayonini takomillashtirish jarayonlari amalga oshirilayotgan bir vaqtda masofaviy o’qitish jarayoniga ham juda katta e’tibor berilmoqda, jumladan hozir masofaviy ta’lim tizimlari asosida ta’lim vazirliklari, oliy o’quv yurtlari o’zlarining virtual ta’lim tizimlarini yaratib, shu asosda o’quvchi va talabalarga masofadan o’qitish jarayonlarini tashkillashtirmoqda. Aytib o’tilganlarni hisobga olgan holda bu bitiruv malakaviy ishda keng tarqalgan ochiq kodli Moodle platformasida yaratiladigan o’quv kurslari uchun testlash vositalarini yaratish masalasi ko’rib chiqilgan.
Bituruv malakaviy ishining maqsadi: Moodle masofaviy ta’lim tizimining strukturali sxemasini tuzishni, o’qitish jarayonini nazorat qilishni va test orqali o’rgatishni tashkillashtirish hamda shu tizim yordamida mavjud test vositalarini loyihalashtirish va yaratishdan iborat.
Bu maqsadga erishish uchun quyidagi masalalarni yechish kerak:
Moodle masofaviy ta’lim tizimi asoslarini o’rganish;
Moodle tizimida o’qitish jarayonini nazorat qilishni va test orqali o’rgatishni tashkillashtirish imkoniyatlarini o’rganish;
Moodle tizimida “Kompyuter tizimlari va tarmoqlari” o’quv kursida test vositalarini loyihalashtirish va yaratish [4];
Ushbu bitiruv malakaviy ishi mundarija, kirish, uchtta bo’lim, xulosa hamda adabiyotlar ro’yxatidan iborat.
Birinchi bo’limda masofaviy ta’lim tizimi tizimining imkoniyatlari va afzalliklari ko’rib o’tilgan.
Ikkinchi bo’limda Moodle tizimida test vositalarini yaratish yoritilgan.
Uchinchi bo’lim hayot faoliyati havfsizligining kerakli vazifalaridan iborat.
Xulosada bajarilgan ishning natijasi, erishilgan natijalar ta’kidlanadi hamda shu yo’nalishning turli sohalarida berilgan texnologiyani qo’llash imkoniyatlari ko’rib chiqiladi.
Download 0.98 Mb.
Do'stlaringiz bilan baham:
