O‘zbekiston respublikasi bosh prokuraturasi akademiyasi

Tadqiqot natijalarining nazariy va amaliy ahamiyati. Tadqiqot 
natijalarining ilmiy ahamiyati shundaki, tadqiqot so’nggidagi ilmiy-nazariy 
xulosalar, taklif va tavsiyalardan kelgusida ilmiy faoliyatda, jumladan, o‘quv 
metodik qo‘llanmalar, monografiyalar, darsliklar hamda ilmiy maqolalar 
yaratishda foydalaniladi. Aytish joizki, davlat fuqarolik xizmati, korrupsiya, 
manfaatlar to’qnashuvi kabi tushunchalar milliy qonunchlikka kirib kelganiga 
hali ko’p bo’lmadi, shu bois, davlat fuqarolik xizmatida korrupsiyaga qarshi 
kurashishda qo’llaniladigan preventiv choralarga bag’ishlangan darsliklar, o’quv 
qo’llanmalar, monografiyalar deyarli ishlab chiqilgani yo’q, bu mavzuga oid 
kam sonli milliy tadqiqot ishlari amalga oshirilgan, shu sababli, mamlakatimizda 
bevosita davlat fuqarolik xizmatida korrupsiyaning oldini olishga bag’ishlangan 
ilmiy-nazariy manbalar taqchil bo’lib qolmoqda. Bundan tashqari, davlat 
fuqarolik 
xizmatlarida 
uchraydigan 
korrupsiyaning 
turli 
shakldagi 
ko’rinishlariga oid yuridik terminlar, ularning huquqiy va ilmiy-nazariy ta’riflari 
milliy adabiyotlarda mavjud emas, korrupsiyaga qarshi taqiq va cheklov 
tushunchalari ham ilmiy-nazariy jihatdan tahlil qilinmagan, bu ikki tushuncha 
o’rtasidagi farq, ularning huquqiy sharhi, tasniflanishi haqida darsliklarda, 
yuridik adabiyotlarda ma’lumotlar mavjud emas. Shu bois, ushbu tadqiqot ishida 
davlat fuqarolik xizmati, korrupsiyaga qarshi taqiq va cheklovlar, ularning 
tasniflanishi, davlat fuqarolik xizmatlarida uchraydigan korrupsiyaning 
ko’rinishlariga oid ilmiy-nazariy qoidalar, xorijiy va milliy olimlarning 
fikrlaridan kelib chiqib, mustaqil qarashlar shakllantirilgan.
Shuningdek, tadqiqotning amaliy ahamiyati shundaki, mazkur tadqiqot 

---

13 
ishi davlat fuqarolik xizmatchilari faoliyatida korrupsiya va manfaatlar 
to’qnashuvini oldini olishga xizmat qiladigan normativ-huquqiy hujjatlarga va 
“Davlat fuqarolik xizmati to’g’risida”gi qonun loyihasiga yangi taklif va 
tavsiyalar asosida o’zgartirish va qo’shimchalar kiritish, huquqni qo’llash 
amaliyotida mavjud muammolarni, milliy qonunchilikdagi huquqiy probelni 
(bo’shliqlarni) ilmiy asoslangan takliflar asosida to’ldirish hamda 
konstitusiyaviy, ma’muriy-huquq fan sohalarini yangi konseptual qarashlar bilan 
boyitish imkoniyatini beradi. Davlat fuqarolik xizmatchilariga nisbatan 
o’rnatiladigan taqiq va cheklovlar turli lokal hujjatlarda tarqoq holda 
belgilangan bo’lib, huquqni qo’llash amaliyotida qiyinchiliklarni yuzaga 
keltirmoqda, natijada ularning ijrosi ta’minlanmay qolmoqda. Tadqiqot ishi 
so’nggida taqiq va cheklovlarning nisbatan tugal ro’yxati shakllantirilgan, ularga 
rioya qilinishi ustidan muntazam nazoratni amalga oshiruvchi tuzilmalar, 
javobgarlik choralari hamda ularni qo’llash mexanizmlari kabi tashkiliy-huquqiy 
hamda normativ-huquqiy masalalarga oid amaliyotda mavjud muammolar 
analitik tahlil qilinib, ularga yechim sifatida taklif va tavsiyalar ishlab chiqilgan.