O‘zbekiston respublikasi madaniyat va sport ishlari vazirligi

Rektor 
Ilmiy kengash 
O‘quv, ma'naviy-ma'rifiy, ilmiy, halqaro aloqa, litsey va kolejj, moliya va iqtisod (xo‘jalik) ishlari bo‘yicha 
prorektorlar 
 
 

---

104 
 
rahbarlik  qilish,  oraliq,  joriy  va  yakuniy  nazoratlarni  o‘tkazish,  kurs  ishlari,  bitiruv 
malakaviy ishlari hamda dissertatsiyalarga rahbarlik qilish kabi ishlarni tashkil etadi. 
Kafedra  a'zolari  talabalar  orasida  ma'naviy-ma'rifiy,  tarbiya  ishlarini  amalga 
oshiradilar,  o‘quv  rejalari,  dastur,  darsliklar,  o‘quv  qo‘llanmalar,  ma'ruza  matnlarini 
ishlab  chiqib,  nashrga  tavsiya  etadilar,  ilmiy  ishlar  olib  borish,  aspirant  va 
doktorantlarga rahbarlik qilish, himoyaga tavsiya etish, sinovdan o‘tkazish, tavsiyalar 
berish;  talabalarning  ilmiy  ishlariga  rahbarlik  kilish,  ilmiy  pedagogik,  ma'naviy-
ma'rifiy bilimlarni targ‘ib etish kabi ishlar kafedra tomonidan tashkil etiladi. Fakultet 
dekani va uning o‘quv ishlari va ma'naviyat-ma'rifat ishlari bo‘yicha muovinlari oliy 
ukuv  yurti  hayotida  yetakchi  vazifani  bajaradilar.  Dekanat  oliy  dargoh  ma'muriyati 
amalga  oshirayotgan  barcha  ishlar  yuzasidan  fakultetda  nazorat  qilish  huquqiga  ega 
bo‘lib, butun jamoaning kuch-g‘ayrati jamiyat oldida turgan ta'lim-tarbiya, ma'naviy-
ma'rifiy  ishlar,  tashkiliy,  xo‘jalik  va  boshqa  vazifalarni  hal  qilishga  safarbar  etadi. 
Fakultetning  har  bir  kursida  talabalarning  soniga  qarab  akademik  guruhlarga 
bo‘linadi.  Har  bir  akademik  guruhga  talabalardan  biri  guruh  sardori    qilib  dekanat 
tomonidan  tayinlanadi.  Guruh  a'zolari  o‘zlari  kasaba  uyushma  a'zolaridan  raisni, 
redkollegiya a'zolari, maishiy sektor va boshqalarni saylaydilar. Talabalar guruhidagi 
o‘quv-tarbiya  ishlari,  jamoa  tashkilotlari  faoliyatiga  pedagogik  rahbarlikni  amalga 
oshirish uchun kafedra a'zolaridan kurator yetakchi tayinlanadi. 
Oliy  o‘quv  yurti  miqyosidagi  barcha  masalalar  Ilmiy  kengashida  muhokama 
etiladi  va  tegishli  karorlar  chiqariladi.  Ilmiy  kengash  a'zolarini  dekanlar,  kafedra 
mudirlari,  yetakchi  professor-o‘qituvchilar  tashkil  etadi.  Rektor  barcha  masalalarni 
O‘zbekiston  Respublikasi  Oliy  va  o‘rta  maxsus  ta'lim  vazirligining  tegishli 
bo‘limlarida  hal  etadi,  hisobot  beradi.  Universitet,  institut,  akademiya  faoliyatida 
kasaba uyushma ko‘mitasi ham faoliyat ko‘rsatadi. Har bir fakultetda kasaba uyushma 
tashkilotining  raisi  boshchiligida  professor-o‘qituvchi  va  talabalar  mehnatini 
muhofaza qilish, salomatligiga va dam olishlariga ko‘maklashish, moddiy ta'minotini 
nazoratga olish va to‘g‘irlash ma'lum ishlar amalga oshirib boriladi.