O‘zbekiston Respublikasi Milliy gvardiyasi bo‘linmalariga xizmatga nomzodlarni qabul qilish tartibi

Nomzodlarning jismoniy tayyorgarlik darajasini baholash mezonlari
1. Erkak jinsidagi nomzodlar uchun: 

Mashq nomlanishi	O‘lchov birligi	Yosh guruhi	Baholash mezonlari
			A’lo	Yaxshi	Qoniqarli
Turnikda tortilish	marta	1	14	12	10
		2	13	11	9
		3	10	8	6
Tiralib yotgan holatda qo‘llarni bukish va rostlash	marta	1	40	35	30
		2	35	30	25
		3	30	25	20
100 metrga yugurish	sekund	1	14,0	14,4	15,2
		2	14,2	14,6	15,4
		3	14,8	15,4	16,0
3 kilometrga yugurish	daqiqa, sekund	1	12,40	13,00	13,35
		2	13,00	13,20	14,00
		3	14,20	14,50	15,30

2. Ayol jinsidagi nomzodlar uchun:

Mashq nomlanishi	O‘lchov birligi	Yosh guruhi	Baholash mezonlari
			A’lo	Yaxshi	Qoniqarli
Kompleks kuch ishlatish mashqlari	marta	1	32	29	26
		2	30	27	24
		3	28	25	22
		4	25	22	19
100 metrga yugurish	sekund	1	16,8	17,4	18,0
		2	17,4	18,0	18,6
		3	18,0	18,6	19,2
		4	18,6	19,6	20,6
1 kilometrga yugurish	daqiqa, sekund	1	4,25	4,40	5,00
		2	4,35	4,50	5,20
		3	4,50	5,05	5,40
		4	5,10	5,30	6,00

 
 




Psixologik test sinovlarini o‘tkazish metodikasi
1. Nomzodlar maxsus xonaga o‘zining shaxsini tasdiqlovchi hujjatini ko‘rsatgan holda kiritiladi.
2. Test sinovlari o‘tkazilayotgan xonaga jadval, kitob, uyali telefon, kompyuter, kalkulyator, telekommunikatsiya vositalari va shpargalkalar olib kirish taqiqlanadi.
3. Test sinovlarini o‘tkazishni boshlashdan avval Nomzodlarni harbiy-kasbiy saralash bo‘yicha doimiy komissiya a’zolari nomzodlarga test sinovlarini o‘tkazish tartibini tushuntirishi shart.
4. Nomzodlar barcha harakatlarni Nomzodlarni harbiy-kasbiy saralash bo‘yicha doimiy komissiya a’zolari ko‘rsatmalariga muvofiq bajaradi. Mazkur ko‘rsatmalarga amal qilmagan nomzod xonadan chiqarib yuboriladi va psixologik o‘rganish ishtirokchilari ro‘yxatidan o‘chiriladi.
5. Nomzod beriladigan savollarga javoblarni belgilash hamda vazifalarni bajarish orqali test sinovlaridan o‘tadi.
6. Nomzodga beriladigan psixologik test savollari oldindan tayyorlangan varaqlarda 5 ta vazifa beriladi.
Nomzodga berilgan vazifalarni bajarish uchun 44 daqiqa, shuningdek har bir vazifa yo‘riqnomasini o‘qib chiqish uchun qo‘shimcha 2 daqiqadan vaqt beriladi.
7. Test savolida mashqning o‘ziga xosligidan kelib chiqib javob variantlari berilishi mumkin. Nomzodlar test savollariga javob variantlarini belgilashda javoblar varaqasidagi variantlardan faqat bitta to‘g‘ri javobni belgilashi lozim.
8. Test sinovlarini topshirish vaqtida nomzodning xonadan chiqishi taqiqlanadi, nomzodning sog‘lig‘i yomonlashgan holatlar bundan mustasno. Test sinovi tugagunga qadar xonani tark etgan nomzod xonaga takroran kiritilmaydi. 
9. Test sinovlarini o‘tkazish vaqtida test sinovlari o‘tkazilayotgan xonada nomzodlar hamda Nomzodlarni harbiy-kasbiy saralash bo‘yicha doimiy komissiya a’zolaridan tashqari boshqa shaxslarning bo‘lishi taqiqlanadi.
10. Javoblar to‘g‘ri belgilanishi uchun nomzod shaxsan javobgardir. Javoblarni noto‘g‘ri belgilagan nomzodlarning e’tirozi ko‘rib chiqilmaydi.
11. Nomzod, test sinovini u baholangan kundan boshlab 1 yil davomida 2 marotaba qayta topshirishi mumkin, biroq shu kunning o‘zida qayta topshirishga yo‘l qo‘yilmaydi.
12. Nomzodning psixologik test savollariga bergan javoblari 10 kun ichida mazkur metodikaning ilovasiga muvofiq Psixologik test natijalarini hisoblash jadvali asosida Nomzodlarni harbiy-kasbiy saralash bo‘yicha doimiy komissiya a’zolari tomonidan hisoblab chiqiladi.




Psixologik test natijalarini hisoblash
JADVALI

Toifasi	1–4-vazifalar	5-vazifa
		1-ko‘rsatkich bo‘yicha	2-ko‘rsatkich bo‘yicha
I	78-100%	0-72%	0-9%
II	51-77%		10-19%
III	23-50%		20-41%
IV	0-22%	73-100%	42-100%