­O`zbekiston respublikasi oliy ta'lim fan vainnovatsiyalar vazirligi

3.SOLIQ YUKINING BIZNES UCHUN AHAMIYATI

Iqtisodiyotni erkinlashtirish, modernizatsiya qilish va isloh qilishga qaratilgan maqsad va vazifalarning ijrosini ta’minlash ma’muriy usullar bilan emas, balki haqiqiy bozor mexanizmlarini amaliyotga joriy etish orqali amalga oshirilishi lozimligi zaruriyati hamda ushbu jarayonda foydalaniladigan iqtisodiy dastaklar ichida soliqlar va bojlar alohida o’ringa ega ekanligi optimal (maqbul) soliq yuki va soliqlar bo’yicha imtiyozlar berishning chegarasi masalalarini nazariy jihatdan tadqiq qilish hamda ular bo’yicha amaliy tavsiyalar berishni bugungi kun tartibining eng dolzarb va kechiktirib bo’lmaydigan muammosiga aylantiradi.
Har qanday davlatda soliq yukining optimal miqdorlarini belgilanishi asosiy makroiqtisodiy masalalar toifasiga kiritiladi. “Soliq yuki” atamasi nisbiy ko’rsatkich hisoblanadi, chunki u soliq summalarini ma’lum moliyaviy ko’rsatkichlar orqali ifodalaydi.
Iqtisodiyotni modernizatsiyalash, shuningdek texnik va texnologik jihatdan qayta qurollantirish korxonalarni mahsulot ishlab chiqarish va realizatsiya qilish xarajatlarini doimiy ravishda kamaytirib borishni taqozo etadi.
Ilmiy adabiyotlarda soliq yuki darajasi qanchalik miqdorda kam bo’lsa, iqtisodiyot shunchalik barqaror rivojlanishi to’g’risida ko’plab ta’riflar keltirilgan. Demak, soliqlar miqdori qanchalik kam bo’lsa, mamlakat iqtisodiyotini rivojlanishi ko’rsatkichlari shunchalik yuqori bo’ladi.
Olimlarning tadqiqotlarida xo’jalik yurituvchi sub’ektlar zimmasidagi soliq yukini hisoblashning turli uslubiyatlarini keltirib o’tilgan. Soliq xarajatlari moddiy xarajatlar bilan deyarli bir ko’rinish hosil qiladi. Shuning uchun ham soliq yukining o’lchamlari va tarkibi masalasi soliq to’lovchilarning diqqat markazidagi masalalardan hisoblanadi.
Quyida soliq yukini ilmiy tomondan hisoblashning quyidagi turlari bilan tanishib o’tamiz.
Soliq yukini ilmiy tomondan aniqlash usullari 1-jadval