O’zbеkistоn rеspublikasi оliy va o’rta maхsus ta’lim vazirligi

Respublikamizda investitsiya dasturini
shakllantirish sxemasi

Bosqich-lar	Tadbirlar	Muddat-lar	Masʼullar
1-bosqich	Iqtisodiyot vazirligi uch yillik davrga O‘zbekiston Respublikasi Investitsiya dasturiga kiritish uchun takliflarni tayyorlashga oid metodik ko‘rsatmalarni tarmoq vazirliklari va idoralari, qoraqalpog‘iston Respublikasi Vazirlar Kengashi, viloyatlar va Toshkent shaxar xokimliklariga (keyingi o‘rinlarda buyurtmachilar deb ataladi) xar yili yetkazadi	aprel	Iqtisodiyot vazirligi
2-bosqich	Buyurmachilar loyihalar bo‘yicha dastlabki axborotni tayyorlaydi, ularni uch yillik davrda amalga oshirish uchun tanlab oladilar va takliflarni Iqtisodiyot vazirligiga taqdim yetadilar	may-iyun	Buyurmachilar
3-bosqich	Iqtisodiyot vazirligi takliflarni ko‘rib chiqadi va o‘rtacha muddatli davrda aniq tarmoqni rivojlantirish ustuvorlik-lariga muvofiq loyihalarni tanlab oladi	iyun-iyul	Iqtisodiyot vazirligining tarmoq bo‘limlari
4-bosqich	Iqtisodiyot vazirligi Moliya vazirligi, Tashqi iqtisodiy aloqalar agentligi, "Davarxitektqurilish" qo‘mitasi va vakolatli banklar bilan birgalikda Investitsiya dasturiga kiritiladigan loyihalarni o‘zil-kesil tanlab oladi	avgust-sentyabr	Iqtisodiyot vazirligi, Moliya vazirligi, Tashqi iqtisodiy aloqalar agentligi, "Davarxitektqu-rilish" qo‘mitasi, vakolatli banklar
5-bosqich	Investitsiya dasturining loyihasi Iqtisodiyot vazirligi xo‘zuridagi Birlashgan xayʼat tomonidan ko‘rib chiqiladi va uning qaroriga ko‘ra ishlab chiqish va Vazirlar Maxkamasining komplekslari bilan kelishish uchun Tashqi iqtisodiy aloqalar va xorijiy investitsiyalar departamentiga taqdim etiladi	sentyabr	Iqtisodiyot vazirligi xo‘zuridagi Birlashgan xayʼat, Vazirlar Maxkamasining komplekslari
6-bosqich	Investitsiya dasturining loyihasiga Vazirlar Maxkamasi komplekslarining takliflari hisobga olingan xolda to‘zatish kiritiladi	sentyabr-oktabr	Iqtisodiyot vazirligi
7-bosqich	Investitsiya dasturining loyihasi tasdiqlash uchun Vazirlar Maxkamasiga kiritiladi	oktabr	Vazirlar Maxkamasining Tashqi iqtisodiy aloqalar va xorijiy investitsiyalar departamenti
8-bosqich	Investitsiya dasturini amalga oshirishning birinchi yiliga kiritiladigan yangidan boshlanadigan obʼektlar bo‘yicha tanlov savdolari o‘tkaziladi	oktabr-noyabr	"Davarxitektqu-rilish" qo‘mitasi, buyurtmachilar
9-bosqich	Tasdiqlangan Investitsiya dasturiga va o‘tkazilgan tanlov savdolariga muvofiq belgilangan tartibda shartnomalar tuziladi, qurilishlarning aniq va titul ro‘yxatlari, kelgusi yillar loyihalash ishlarining aniq ro‘yxatlari tasdiqlanadi	dekabr	Buyurtmachilar, pudratchilar

Banklarning kredit resurslari hisobidan moliyalanadigan kichik biznes va tadbirkorlik investitsiya loyihalari tijorat banki tomonidan mazkur investitsiya loyihasini amalga oshirishning maqsadga muvofiqligi to‘g‘risida ekspertiza qilinishi lozim.
O‘zbekiston Respublikasining halqaro shartnomalari doirasida amalga oshiriladigan investitsiya loyihalari shu shartnomalarda nazarda tutilgan tartibda ekspertiza qilinishi lozim.
Investitsiya faoliyatini cheklab qo‘yish, to‘xtatib turish yoki tugatish investorning, davlatning vakolatli organi yoki sudning qaroriga ko‘ra amalga oshirilishi mumkin.
Davlatning vakolatli organi investitsiya faoliyatini cheklab qo‘yish, to‘xtatib turish yoki tugatish to‘g‘risidagi qarorni:
- investor qonunda belgilangan tartibda bankrot deb eʼlon qilingan yoki topilganda;
- favqulodda vaziyatlar yuzaga kelganda;
- investitsiya faoliyati jarayonida qonun xujjatlarida belgilangan sanitariya-gigiyena, radiasiya, yekologiya, arxitektura-shaxarsozlikka oid va boshqa talablar, yuridik va jismoniy shaxslarning huquqlari hamda qonun Bilan qo‘riqlanadigan manfaatlari bo‘zilishiga olib kelishi mumkin bo‘lgan xolatlar aniqlangan xollarda qabul qilinishi mumkin.

O‘zbekistonda asosiy kapitalga kiritilgan investitsiyalarning umumiy hajmi qancha?

2017 yil yanvar–sentyabrida asosiy kapitalga kiritilgan investitsiyalarning umumiy hajmi milliy valyutada 39 536,1 mlrd. so‘mni (AQSH dollari ekvivalentidagi hajmi – 9,6 milliard AQSH dollarini) yoki 2016 yilning mos davriga nisbatan o‘sish surʼati 101,0 foizni tashkil qildi. Bu haqda Davlat statistika qo‘mitasi hisobotida aytiladi.
Asosiy kapitalga kiritilgan investitsiyalar hajmi YaIMga nisbati 23,2 foizni tashkil qilib, 2016 yil yanvar–sentyabriga nisbatan 1,4 foizga kamaydi.
Davlat budjetidan ajratilgan investitsiyalar ijtimoiy sohani va hayotiy taʼminot tizimini qo‘llab-quvvatlashga, O‘zbekiston Respublikasi infrastrukturasini rivojlantirishga qaratilgan manzilli investitsiya dasturlarini amalga oshirish uchun yo‘naltirilgan.
Iqtisodiy faoliyat turlari bo‘yicha tog‘–kon sanoatida – 8 054,7 mlrd. so‘m (jami investitsiyalar hajmida 20,4 foiz), shundan xom neft va tabiiy gaz qazib olish – 7 282,8 mlrd. so‘m (18,4 foiz), ishlab chiqarish sanoatida – 5 900,7 mlrd. so‘m, (14,9 foiz) shundan oziq–ovqat mahsulotlari, ichimliklar va tamaki mahsulotlari– 809,5 mlrd. so‘m (2,0 foiz), to‘qimachilik mahsulotlari va kiyim – 1 156,4 mlrd. so‘m (2,9 foiz), kimyo mahsulotlari – 625,7 mlrd. so‘m (1,6 foiz), nometall mineral mahsulotlar – 791,1 mlrd. so‘m (2,0 foiz), metallurgiya – 760,4 mlrd. so‘m (1,9 foiz), elektr, gaz, bug‘ bilan taʼminlash va havoni konditsiyalash – 2 221,1 mlrd. so‘m (5,6 foiz), qurilish – 1 695,4 mlrd. so‘m (4,3 foiz), tashish va saqlash– 3 412,3 mlrd. so‘m (8,6 foiz), ulgurji va chakana savdo, motorli transport vositalari va mototsikllarni taʼmirlash – 1 901,4 mlrd. so‘m (4,8 foiz), axborot va aloqa – 1 063,2 mlrd. so‘m (2,7 foiz), professional, ilmiy va texnik faoliyat – 565,6 mlrd. so‘m (1,4 foiz), taʼlim – 855,4 mlrd. so‘m (2,2 foiz), boshqa iqtisodiy faoliyat turlaridan tashqari: turar joy binolari qurilishiga – 8 436,6 mlrd. so‘mlik (21,3 foiz) investitsiyalar o‘zlashtirildi.