O`zbekiston Respublikasi Oliy va o`rta maxsus ta`lim vazirligi Ajiniyoz nomidagi Nukus davlat pedagogika instituti Maktabgacha ta`lim kafedrasi maktabgacha ta’limda steam texnologiyalari

Bolaning rivojlanish xaritasi har bir yosh guruhi (3-4, 4-5, 5-6, 6-7) uchun alohida yuritiladi va har bir bola 14 uchun bir yilda uch marta: o’quv yilining boshida, o’rtasida va oxirida to’ldiriladi.
Maktabgacha ta’lim tashkilotidan chiqishda 6-7 yoshli 15 bolaning maktabga tayyorligi xaritasi (faqat MTT bitiruvchilari uchun) to’ldiriladi.


Adabiyotlar:
1. “Ilq qadam” Maktabgacha ta’lim muassasasining Davlat о‘quv dasturi. T.: BMT Bolalar jamg‘armasi (YUNISEF), 2018. Tuzuvchilar: I.V.Grosheva, L.G.Yevstafeva, D.T.Mahmudova, SH.B.Nabixonova, S.V.Pak, YE.Djanpeisova.-T.:MTV, 2018.- 71 bet
2.Т.С.Волосоветов, В.А.Маркова, С.А.Аверина СТЕМ-образованийе детей дошколного и младшего школного возраста. М.БИНОМ..Лаборатория знаний 2019.
3.Явдокимова E.С. Технология проектирования в ДОУ. – М.: ТС Сфера, 2006. – 64 с.
5. Г.Богданович. Дополнителная обшеразвиваюшая программа «Мульт-студия «Мой мир» Свердловская област, 2018 г.
6.Мастер-класс для педагогов «Созданийе мультфилмов вместе с детми».2017



3 Mavzu. STEAM ta’lim texnologiyasi va loyihalashtirish
Reja
1. STEAM ta’lim texnologiyasi
2. STEAM ta’lim texnologiyasini loyihalashtirish
3. Maktabgacha yoshdagi bolalarni har tomonlama rivojlantirish uchun sharoitlar yaratish.
1. STEAM ta’lim texnologiyasi

Maktabgacha yoshdagi bolalarning ilm-fan, texnika, ta’lim, madaniyat, ijodiy fikrlash, tashabbuskorlik, nostandart qarorlar qabul qilish qobiliyatini shakllantirishga qiziqish uyg’otadigan ta’lim va tarbiya jarayoniga yangi STEAM-texnologiyalarni joriy etish ta’lim tizimini integratsiyalashuviga asos bo’ldi.

Bugungi kunda STEAM ta’limi dunyodagi asosiy tendentsiyalardan biri bo’lib, fanlararo amaliy yondashuvni qo’llashga asoslangan. Bunday ta’limning majburiy shartlari uning uzluksizligi va bolalarning ish guruhlarida o’zaro muloqot qilish qobiliyatidir, ular g’oyalarni to’plashlari va fikr almashishlari mumkin.
«LEGO-dizayn», «matematik rivojlanish», «sehrgar-qog’oz», «multstudiya», «dunyo bolalar nigohida» kabi modellashtirish-modulning asosini tashkil etadi.
STEAM bolalarni ilhomlantiradi, kashfiyotchilar va olimlar singari tadqiqotlarni olib borishni, texnologlar sifatida modellashtirishni, muhandislar kabi loyihalashmi, rassom kabi chizishn, matematiklar kabi o’ylashni va bolalar kabi o’ynashni o’rgatib boradi. Maktabgacha ta’lim tashkilotlari oldida yosh avlodning ijodiy salohiyatini rivojlantirish muhim vazifa bo’lib qolmoqta, bu esa o’z navbatida tizimning psixologik qonunlarini hisobga olgan holga ta’lim jarayonini takomillashtirishni talab qiladi.
Zamonaviy jamiyatda faol, tashabbuskor, ijodiy fikrlovchi va mehribon fuqaro kerak. Shu sababli, maktabgacha yoshdagi bolalarni ilmiy va texnik ijodga jalb qilish va ijodiy fikrlash va tasavvurni shakllantirish uchun qulay shart-sharoitlarni yaratishga imkon beruvchi, shuningdek, dastlabki texnik ko’nikmalarga ega bo’lgan bolalar bog’chasining ta’lim jarayoniga STEAM texnologiyasini joriy etish zaruriyati tug’ildi. Zamonaviy ta’lim bolani kelajakda jamiyat hayotiga tayyorlash, undan maxsus intellektual qobiliyatlarni talab qiladi. Qabul qilingan ma’lumotni olish, qayta ishlash va amalda qo’llash qobiliyatini rivojlantirish STEAM-texnologiyasining asosini tashkil etadi.
Maktabgacha ta’lim pedagoglari faoliyatlarini STEAM texnologiyasi orqali tashkil etsalar bolalar qo’shimcha amaliy ko’nikmalarga ega bo’ladilar. O’yinlar shaklida qiziqarli mashg’ulotlar bolaning ijodiy salohiyatini ochib beradi. Bolalar sodir bo’layotgan voqealar o’rtasidagi munosabatni ko’rishni o’rganadilar, mantiq tamoyillarini yaxshiroq tushunadilar va o’z modellarini yaratish jarayonida ular yangi va o’ziga xos narsalarni kashf etadilar. Kompleks yondashuv ularning qiziqishini rivojlantirishga va ta’lim jarayoniga jalb qilinishiga yordam beradi.
STEAM texnologiyasi zamonaviy ta’limda tobora ko’proq asosiy shaxsiy qobiliyatlarni shakllantirishga, bolalarning muammoni mustaqil ravishda hal qilish qobiliyatini rivojlantirishga, bilim bilan ishlash qobiliyatini yaxshilashga, intellektual qobiliyatlarni rivojlantirishga qaratilgan. Shu munosabat bilan bolalarda texnik fikrlashni shakllantirish, tadqiqot, muhandislik-konstruktorlik ko’nikmalarini rivojlantirish dolzarb ahamiyat kasb etadi.
STEAM yondashuvi tufayli bolalar sodir bo’lgan hodisalarning mantiqiy jarayoniga kirib, ularning munosabatlarini tushunishlari, dunyoni tizimli ravishda o’rganishlari va muhandislik, tanqidiy vaziyatlardan chiqish qobiliyatini rivojlantirishlari, jamoaviy ish qobiliyatini rivojlantirishlari, boshqaruv va o’z-o’zini taqdim etish asoslarini o’rganishlari mumkin.