O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universityeti huzuridagi pedagog kadrlarni qayta tayyorlash va ularning malakasini oshirish tarmoq markazi

2.5.3. “SWOT- tahlili” metodi

“SWOT”- inglizcha so‘z bo‘lib, to‘rtta so‘zning bosh harflaridan olingan. Strengths- kuchli tomon, W-Weakness- kuchsiz tomon, O-Opportunities-imkoniyatlar, T-Threats-ziddiyatlar. “SWOT” tahlili metodi- ta’lim oluvchilarni mavjud holatni tahlil qilish va bohalashni o‘rgatadi. Tahlil va sintez qilish yo‘li bilan biror bir mantiqiy qaror qabul qilishga o‘rgatadi.
Ushbu metod o‘tilgan mavzuga nisbatan tahliliy yondashishni, uni tahlil qilish va har tomonlama ko‘rib chiqish imkonini beruvchi metoddir.
Metodnini yakka tartibda, kichik guruhlarda amalga oshirish mumkin. “SWOT” tahlili metodidan o‘quv jarayonida qo‘llanilganda ta’lim oluvchilarning faolligi oshadi, mustaqil fikrlash ko‘nikmalari shakllanadi hamda guruhlarda ishlash malakalari rivojlanadi.
Mashg‘ulotga tatbiq etilishi
Ushbu metod termostatlar haqida ma’lumotlarni berib bo‘lgandan so‘ng qo‘llaniladi. Bu orqali termostatlarning o‘ziga xos xususiyatlarini yanada chuquroq bilib olish imkoniyatiga ega bo‘linadi.

1.Talabalar “SWOT- tahlili” metodi qonun-qoidalari bilan tanishib chiqadilar.

2. Ekranda SWOT- tahlili aks etgan slayd namoyish etiladi.
3. Berilgan topshiriq bo‘yicha qiyosiy tahlilni amalga oshirish vazifasi topshiriladi.
4. Talabalar berilgan topshiriqni daftarda bajaradilar.
5. Bajarilgan vazifa yuzasidan fikr bildiradilar.
6. Barcha fikr muloxazalar tinglangach, ekranda SWOT- tahlilining to‘g‘ri to‘ldirilgan jadvali namoyish etiladi va talabalardan topshiriq yuzasidan bergan javoblaridagi xatoliklarni tuzatish, yangi ma’lumotlar bilan to‘ldirish va aniqliklar kiritish vazifasi beriladi.
Namuna
Topshiriq: SWOT-tahlili jadvalida keltirilgan mezonlar asosida Suyuqlik termostatni tahlil qiling.