O‘zbekiston respublikasi oliy va o‘rta maxsus ta’lim vazirligi mirzo ulug‘bek nomidagi o‘zbekiston milliy universiteti jizzax filiali

Biz eng munosib bank ochishimizda quyidagi 5 sifatga e`tibor berishimiz zarur:
1. Ishonchliligi
Ehtimol, biz bankdan istagan birinchi narsa uning ishonchliligi. Axir, har bir mijoz o‘z mablag‘lari butunlay xavfsizlikda bo‘lishini istaydi. Shuning uchun, avvalo, siz tanlagan bank, o‘z faoliyatini amalga oshirish uchun lisenziyaga egaligiga ishonch hosil qiling. Lisenziyasiz, bank o‘z xizmatlarini ko‘rsatish huquqiga ega emas. Bundan tashqari, internetda, banklar to‘g‘risida mijozlarning izoxlarini ko‘rib chiqishingiz yoki siz tanlamoqchi bo‘lgan bank xizmatlaridan foydalanganligi mumkin bo‘lgan qo‘shni yoki qarindoshlaringizdan so‘rashingiz mumkin.
2. Bank xizmatlari arzonligi
Hisob raqamini ochish va operatsiyalar bo‘yicha komission to‘lovlar xarajatlari har bir bankda sezilarli darajada farq qilishi mumkin va dastlabki bosqichda eng ko‘p foyda olish uchun, siz, eng past narxlarga ega bo‘lgan bankni tanlashingiz kerak - bu pulni tejash va uni biznesni rivojlantirish uchun yo‘naltirishga yordam beradi.
3. Xizmat sifati
Bank xizmatlarining sifati muhim ahamiyatga ega, chunki sifatsiz xizmatlar tadbirkorlarning bankka ortiqcha qatnashi uchun vaqt sarflashiga va ular faoliyatining samaradorligi bilan bog‘liq muammolarga olib keladi. Yaxshi bank - masofadan turib hal qilinishi mumkin bo‘lgan kichik savollar bo‘yicha mijozni bankka kelishiga majbur qilmaydigan bankdir. Bunday holda, hisobingizni distansion boshqarish, ya'ni, hisob raqamingiz bo‘yicha operatsiyalarni masofadan turib yoki "bank-mijoz" texnologiyasi orqali boshqarish imkoniyatini ko‘rib chiqishingiz kerak.
4. O’rnashgan joyi
Bank tanlashda, uning o‘rnashgan joyini ham hisobga olish kerak. Chunki, agar siz, biron-bir sababga ko‘ra bankka tez-tez qatnashingizga to‘g‘ri keladigan bo‘lsa, shaharning boshqa chetida joylashgan eng kam xizmat xaqqiga ega bo‘lgan bankka borishdan ko‘ra, sizga yaqin joylashgan bankning xizmatlari uchun bir ikki foizga ko‘proq xizmat haqi to‘lash oson va foydaliroq bo‘lishi mumkin.
5. Imtiyozlar va ko’maklashish
Sizning biznesingizga xizmat ko‘rsatuvchi bankni tanlashda, biznesingiz faoliyatini yengillashtiradigan va soddalashtiradigan qo‘shimcha imtiyozlar va imkoniyatlar bo‘yicha qiziqib ko‘ring. Ayniqsa yangi tadbirkorlar uchun maslahatlar berish va aktual ma'lumotlarni taqdim etish imkoniyatlari bormi yoki yo‘qmi. Bank, tadbirkorlik faoliyati uchun kreditlar berishi yoki yo‘qligini bilib oling. Agar hozirda, bankdan qarz olish rejangiz bo‘lmasa ham, kelajakda biznesingizni kengaytirish (yangi bino qurish, uskunalar va texnologiyalar sotib olish, va hokazo) uchun qo‘shimcha mablag‘lar kerak bo‘lishi mumkin. Odatda, sizga xizmat ko‘rsatayotgan bankdan kredit olish foydaliroq.

Foydalanilgan adabiyotlar ro’yxati

1. “Bank siri to‘g‘risida”gi O‘zbekiston Respublikasi Qonuni - https://lex.uz/docs/41760
2. O'zbekiston Respublikasi Markaziy bankining 2000 yildan hozirgi kungacha bo'lgan asosiy stavkasi (ilgari qayta moliyalash stavkasi) dinamikasi (o'zgarish darajasi)ni Markaziy bankning veb-saytida ko'rish mumkin.
3.https://finlit.uz/uz/