O‘zbekiston respublikasi oliy va o‘rta maxsus ta’lim vazirligi mirzo udug‘bek nomidagi samarqand davlat

2-mavzu: Hujjat turlarining tasnifi va yo‘nalishi
(ko‘rinish) lari hamda ularning mazmun mohiyati
Reja:
1. Hujjat turlari va ularning tasnifi.
2. Rasmiy va shaxsiy hujjatlar, ya’ni ma’muriy boshqaruvda ish yuritishni tashkil etishda qo‘llanuvchi rasmiy hujjatlar va ma’muriy boshqaruvda muassasa xodimlaridan talab etiladigan shaxsiy xujjatlar
3. So‘nggi davrlar hujjatshunosligida amalga oshirilgan ishlar va yuzaga kelgan darslik-qo‘llanmalar va o‘quv-uslubiy ko‘rsatma-tavsiyalar
Mavzu rejasidan seziladiki, ushbu amaliy mashg‘ulot seminar shaklida olib borilib, maruzada qayd etilgan ta’lim yanada mustahkamlanadi. Unda hujjat turlari va ularning yo‘nalishi (ko‘rinish) lari (rasmiy va shaxsiy hujjatlar, ya’ni ma’muriy boshqaruv va ish yuritishni tashkil etishda qo‘llanuvchi rasmiy hujjatlar hamda ma’muriy boshqaruvda muassasa xodimlaridan talab etiladigan shaxsiy xujjatlar) bo‘yicha so‘hbat. Rasmiy va shaxsiy xat, ularning farqlari. (Badiiy adabiyotdagi shaxsiy xat namunalarini tahlil qilish, shaxsiy xat namunalarini yozish, uning rasmiy xatdan farqini tushuntirish; Rasmiy murojaat, xatga asosnoma, iltimos yoki tashakkur bayoni, taklif yoki e’tiroz bildirish shakllari; Ichki va tashqi hujjatlar (mazmuniga ko‘ra hujjat turlari); Rasmiy va shaxsiy xat, ularning farqlari; So‘nggi davrlar hujjatshunosligida amalga oshirilgan ishlar va yuzaga kelgan darslik-qo‘llanmalar va o‘quv-uslubiy ko‘rsatma-tavsiyalar.Xususan, mustaqillik davrida o‘zbek tilida ish yuritishda hujjatchilikning shakllanish jarayoni va uning aloqa-munosabatida o‘rinlashuvi kabi masalalar bo‘yicha savol-javob, munozara-bahslashuv olib boriladi. Munozara-bahslashuv quyidagi matn asosida olib borish ko‘zda tutiladi:.
1. Hujjat turlari va ularning tasnifi. Qayd etilganidek, hujjatlar xilma-xil va miqdoran juda ko‘p. Ularning yo‘nalishi, mazmuni-maqsadi, shakli-hajmi va boshqa bir qator sifatlari ham turlicha hamda o‘ziga xos lisoniy xususiyatlar bilan belgilanadi. SHu bois, hujjatlarning bu kabi xsusiyatlarini chuqur tasavvur qilish uchun dastavval ularni tasnifiga e’tibor berish lozim bo‘ladi.
Manbalarda hujjatlarning turlicha tasnifiy shakllari qayd etiladi¹³. I. Hujjatlar avvalo yaratilish o‘rniga ko‘ra 2 ga bo‘lib tasnif qilingan. Bular ichki va tashqi hujjatlar hisoblangan.
Ichki hujjatlar m’lum bir muassasaning o‘zida tuziladi va mazkur muassasagagina tegishli bo‘lib, o‘zi uchun amalda foydalaniladi. Muayyan muvssasaga boshqa tashkilot yoki ayrim shaxslardan keladigan, aksincha muassasadan boshqa tashkilot va shaxslarga jo‘natiladiganlari esa tashqi hujjatlar sanaladi. Ular boshqa muassasa va tashkilotlar bilan bog‘liq bo‘ladi.
II. Hujjatlar tuzilishiga ko‘ra ham 2 ga bo‘linadi. Bular sodda va murakkab hujjatlardir. Sodda hujjatlar muayyan bir masala uchun tuziladi. Murakkab hujjatlar bir necha masalalarni o‘z ichiga oladi.
III. Mazmun bayonining shakliga ko‘ra hujjatlar uch xil bo‘ladi. Bular quyidagicha tasnif qilinadi: a) xususiy (indiaidual); b) namunali (tipovoy); v) qolipli (trafaretli) hujjatlar kabi. a). Xususiy (shaxsiy) hujjatlar. Bunday hujjat faqat bir shaxs yoki fuqaroga xos bo‘lib, o‘sha shaxs tomonidan tuziladi. Bu hujjatning o‘ziga xosligi shundagi, matnning betakrorligi, hamisha ham bir andozaga mos kelmasligi, mazmun bayoni erkinligi uning asosiy belgisidir.Masalan, ariza, shikoyatnoma (shikoyat xati), bildirishnoma (bildirgi), xizmat yozishmalari kabilar. b). Namunali (tipovoy) hujjatlar boshqaruvning muayyan bir xil vaziyatlari bilan bog‘liq, bir-biriga o‘xshash va ko‘p takrorlanadigan masalalar yuzasidan tuzilgan matnlarni o‘z ichiga oladi. v). Qolipli (trafaretli) hujjatlar, odatda, oldindan tayyorlangan bosma ish qog‘ozlariga yoziladi. Bunday hujjatlarda ikki turli axborot aks etadi, ya’ni o‘zgarmas (oldindan to‘liq holda bosma matnda ifodalangan) axborotlar va ma’lum qismi o‘zgarishi mumkin bo‘lgan, ya’ni qo‘lyozma shaklda yoziladigan axborotlar. Qolipli (trafaretli) hujjatlar yozilmaydi, balki to‘ldiriladi, ya’ni tegishli o‘rinlarigina qo‘lyoma shaklda to‘ldiriladi. Qolipli hujjat turi boshqa hujjatlarga nisbatan ish yuritishni takomillashtirishdagi istiqbolli yo‘li sanaladi. CHunki bu tur hujjat matnlarini bir xillikka olib kelishi va hujjatlarni tayyorlash uchun ketadigan vaqt hamda mehnatni anchagina tejash imkoniyatini beradi. Qolipli (trafaretli) hujjatlar tarzida hozirgi paytda ma’lumotnomalar, ayrim dalolatnomalar, xizmat safari guvohnomalari kabi ko‘pgina hujjatlar qo‘llanilmoqda.
2. Rasmiy va shaxsiy hujjatlar, ya’ni ma’muriy boshqaruvda ish yuritishni tashkil etishda qo‘llanuvchi rasmiy hujjatlar va ma’muriy boshqaruvda muassasa xodimlaridan talab etiladigan shaxsiy xujjatlar
Ma’muriy-boshqaruv faoliyatida xizmat mavqeiga ko‘ra hujjatlar hozirgi kunda, asosan, quyidagicha tasniflanadi: a) tashkiliy hujjatlar; b) farmoyish hujjatlar; v) ma’lumotsimon-axborot hujjatlari; g) xizmat yozishmalari kabilar.
a). Tashkiliy rasmiy hujjatlar mazmunan tashkilot, muassasa va korxonalarning huquqiy maqomi, tarkibiy tarmoqlari va xodimlari, boshqaruv jarayonining borishida jamoa ishtirokining huquqiy tomonlari kabi masalalarni aks ettiradi. Nizomlar, yo‘riqnomalar, majlis bayonlari, shartnomalar ana shunday tashkiliy rasmiy hujjatlar sanaladi. b). Farmoyish hujjatlari guruhiga buyruq, ko‘rsatma, farmoyish kabilar kiradi. Bu hujjatlar ham rasmiy hujjatlardir. v). Ma’lumotsimon-axborot hujjatlari anchagina katta guruhni tashkil qiladi. Bunday hujjatlarning ish yuritish jarayonidagi faoliyati ham faol. Dalolatnoma, ma’lumotnoma, ariza, tushuntirish xati, hisobot, ishonchnoma, tavsifnoma kabi hujjatlar ana shu guruhga kiradi. Bu hujjatlardan aksariyati, masalan, ariza, shikoyatnoma (shikoyat xati), bildirishnoma (bildirgi), xizmat yozishmalari kabilar shaxsiy hujjarlar sanaladi. g). Xizmat hujjatlari va yozishmalari. Ushbu hujjatlar muassasa xodimlarining biri yoki bir nechasi hamda mansabdor shaxslar tomonidan yozilib, ularning xizmat faoliyatlaridan tashqaridagi yoki jamoat ishlarini bajarish bilan bog‘liq masalalarga tegishli bo‘ladi. Bunday hujjatlar qatorida xizmat yozishmalari ham kiradi. Ular mazmunan xilma-xil bo‘ladi. Ularda muassasa bilan bog‘liq turli masalalarga xos talab, iltimos, taklif, kafolat kabilar ham aks etadi. Aslida xizmat hujjatlari bilan xizmat yozishmalari mazmunida farq bor, albatta. SHu bois ularni xizmat yozishmalari deb ataydilar. Xizmat yozishmalari hozirgi zamon hujjatshunosligida yuqorida qayd etilgan guruhlardan keyin alohida guruh sifatida ham tasniflanadi. Xizmat hujjatlar tegishlilik jihatdan rasmiy hujjatlardir.
3. Hujjat nusxalari va ularnining o‘ziga xos xususiyati, farqlanish darajasini ham bilish muhim. Bu jihatga ko‘ra hujjatlar quyidagicha tasniflanadi: a) qoralama- asl nusxa uchun tuzilgan xomaki shakli; b) asl-asosiy nusxa; v) ko‘chirma (ikkinchi) nusxa, ba’zan dublikat (asl hujjatning muqobil nusxasi) ko‘chirmasi ham bo‘ladi. Aksar hujjatlar dastlab qaralama (xomaki, taxminiy) nusxada tayyorlanadi. Bu nusxa xodimlar taklifi va istaklari asosida tuzatilib, o‘zgarishlar kiritilib kayta ko‘chirilishi mumkin. Aytish mumkinki, o‘zgartirishlar kiritilgan qoralama nusxa hujjat huquqiy kuchga ega bo‘lmaydi. Uning ko‘pchilik ma’qullagan yoki o‘zgartishlar bilan qabul etilgan shakli asosiy hujjat- asl nusxa sanaladi. Asl nusxa har qanday hujjatning asli-birinchi rasmiy nusxasi sanaladi. Ana shu hujatdan qo‘chirilgan shakli esa ko‘chirma nusxa sanaladi. Asl nusxaning qayta tiklangan yoki zarurat uchun aynan ko‘chirma shakli dublikat nusxa sanaladi. Ularni farqlash uchun odatda nusxaning o‘ng tomonidagi yuqoridagi burchagiga “ko‘chirma”. “dublikat” degan atamalar bilan belgi qo‘yiladi. Shuningdek, hujjatchilikda aynan-asliy (faksimil) va erkin nusxa kabi farqlanuvchi shakllar ham mavjud. Aynan nusxa asl nusxaning barcha xususiyatlarini-hujjatdagi zarariy qismlarining joylashishi, mavjud shakliy belgilari (gerb, yumaloq muhr, to‘rtburchak muhr, nishon kabilar), matndagi bosma va yozma harf shakllari va shu kabilarni aniq va to‘liq aks ettiradi. Erkin nusxada hujjatlardagi axborot to‘lasicha ifodalansa-da, tashqi xususiyatlari jihatidan bevosita mos kelmaydi, ya’ni bunda asl nusxadagi belgilar (muhr, gerb, imzo) shakllarning o‘rninga so‘z bilan (gerb, muhr, imzo deb) yoziladi. Ba’zan hujjatning to‘liq qismiga ehtiyoj bo‘lmasa, ko‘chirma shaklida tegishli o‘rinlari olinadi. Masalan, “majlis bayonidan ko‘chirma” shaklda ma’lum bir kerakli (chunonchi, 4. Har xil masalalar) qismi olinadi. Bu ko‘chirma nusxa ham asl nusxa mohiyatiga teng sanaladi. Duyulikat ham asl nusxa bilan bir xil huquqqa egadir.