O`zbekiston respublikasi oliy va o`rta maxsus ta’lim vazirligi namangan davlat universiteti

Davriy nashrlarga obuna bo`lish, ulardan foydalanish va saqlash holati.

• 
  2022 yil uchun universitet hisobidan O’zbekistonda chop etilgan 91 nomda, 159 sondagi gazeta va jurnallarga obuna bo’lingan.Shundan 36 nomda, 95 sonda gazetalar. 55 nomda, 64 sonda jurnallar ARMning alohida bo’limida maxsus javonlarda saqlanib kelinmoqda. Professor-o’qituvchilar va talabalar fodalanish uchun keng imkoniyatlar mavjud.
  

TAVSIFNOMA
Namangan davlat universiteti Axborot-resurs markazining tarixi viloyatda oliy pedagogik ta'lim tarixi bilan chambarchas bog'liq. 1942- yili Namanganda Andijon o'qituvchilar institutining filiali tashkil etilgan bo'lsa, xuddi ana shu yili ilmiy kutubxonaga ham asos solingan. Shu davrdan boshlab ilmiy kutubxona o’z faoliyatini boshladi hamda uzoq yillardan beri o’z faoliyatini davom ettirib kelmoqda. Mustaqillikka erishganimizdan so’ng yurtimizdagi kutubxonalarga alohida e’tibor berish boshlandi. O'zbekiston Respublikasi Birinchi Prezidentining 2006-yil 20-iyundagi “Respublika aholisini axborot – kutubxona bilan ta'minlashni tashkil etish to'grisida”gi PQ 381-sonli qaroriga binoan Namangan davlat universiteti ilmiy kutubxonasi “Axborot- resurs markazi”ga aylantirilgan. Markaz tarkibi quyidagicha:

1. 
   Ilmiy uslubiy va axborot-ma’lumot (davriy nashrlar) bo'limi;
   
2. 
   Axborot-kutubxona resurslarini butlash, kataloglashtirish va tizimlashtirish bo'limi;
   
3. 
   Ahborot-kutubxona resurslari bilan xizmat ko’rsatish bo’limi (abonementlarga xizmat ko’rsatish, o’quv zallari va kitob saqlashni inobatga olgan xolda);
   
4. 
   Elektron axborot resurslari bo’limi;
   
5. 
   Xorijiy axborot-kutubxona resurslari bilan ishlash bo’limi.
   

Axborot-resurs markazining yangi binosi 2019-yil yanvar oyida foydalanishga topshirilgan. Axborot-resurs markazida nafaqat universitet miqyosida balki viloyat miqyosida ham turli xildagi ma’naviy-ma’rifiy tadbirlar tashkil etiladi.