O`zbekiston respublikasi oliy va o`rta maxsus ta`lim vazirligi namangan davlat universiteti ijtimoiy fanlar fakul’teti tarix kafedrasi

Talabaning vazifalari:
– amaliyot dasturi va ishchi rejasi bilan tanishish;
– amaliyot kundalik daftari yuritish (har kuni to`ldiriladi);
– amaliyot o`tash joyida mustaqil ish olib borish;
– amaliyot rahbari topshiriqlarini bajarish;
– muassasa xavfsizlik texnikasi qoidalariga rioya qilish va ichki tartib qoidalariga bo`ysunish;
– amaliyot bo`yicha hisobot taqdim etish.


Malakaviy amaliyotning tashkil etilishi.
Malakaviy amaliyot talabalarning professional faoliyatga shart-sharoitlari yaqin bo`lgan bir sharoitda o`tkaziladi. Malakaviy amaliyotning asosiy maqsadi – talabalarni kelgusidagi kasbiy vazifalarini bajarishga dastlabki tayyorlashdan iboratdir. Bakalavr 2-bochqich talabalarining malakaviy amaliyotlari Namangan viloyati va Farg’ona vodiysi hududidagi qadimiy manzilgohlar, arxeologik yodgorliklar, muzeylarda, shuningdek, talabaning o’zi yashaydigan hududida o’tkaziladi.
Talabalar malakaviy amaliyot davrida o`z faoliyatlarini tahlil qiladilar va amaliyot kundaligi yuritadalar; rahbarlari o`tkazadigan tadbirlarda ishtirok etadilar; fakul’tetda amaliyot yakuni bo`yicha o`tkaziladigan konferensiyaga material tayyorlaydilar va unda ishtirok etadilar. Amaliyotga oid hisobot hujjatlarini tayyorlaydilar.
“O’zbekiston tarixi” malakaviy amaliyoti mazmuni.

Amaliyot o`tovchi quyidagilarni o`rganadi:

1) Tadqiqot joyini tanlashni o`rganadi;
2) Muzey eksponatnalari bilan tanishadi;
3) O’zi yashab turgan hudud tarixini, toponimlarini o`rganadi;
4) Tadqiqot jarayonini hujjatlashtirishni o`rganadi.
H I S O B O T

Har bir talaba malakaviy amaliyotni o`tab bo`lganidan so`ng bu haqda hisobot tuzadi. Hisobotga quyidagi ma`lumotlar kiritilish kerak:

A) amaliyot o`tash vaqti va muddati, qaysi tadqiqot ob`ektida amaliyot o`tadi, qanday topshiriqlar bajarildi yoki bajarilmay qoldi, amalga oshirilgan ishlar ro`yxati:
B) amaliyot o`tash joyi haqida ma`lumot;
V) muhim hujjatlari nusxalari ilova qilinadi;
G) amaliyot o`tash jarayonida yuzaga kelgan qiyinchiliklar;
D) bajarilgan ishlar to`g`risida qisqacha ma`lumot;
E) xulosa va takliflar.
2. Amaliyot o`tash bo`yicha hisobotlar kafedra yig`ilishida amaliyot rahbarlari ishtirokida qabul qilinadi.
3. Amaliyot hisobotlarini himoya qilish muddati amaliyot tugagan kundan boshlab 5 kun ichida dekanat tomonidan belgilangan kuni amalga oshiriladi. Amaliyot bo`yicha reyting tizimiga ko`ra o`zlashtirish ko`rsatkichi foizlari asosida baholanadi.
Talabaning reyting tizimiga ko`ra o`zlashtirish ko`rsatkichi 55 foizdan kam bo`lgan taqdirda, u yana qaytadan belgilangan muassasalarga amaliyot o`tash uchun yuborilishi yoki universitet rektorining buyrug`i asosida talabalar safidan chiqarilishi mumkin.
4. Malakaviy amaliyotning umumiy yakuni fakul’tet Kengashi yig`ilishida muhokama qilinadi.