O‘zbekiston respublikasi oliy va o‘rta maxsus ta’lim vazirligi namangan davlat universiteti asqarova dilorom qurbonovna
Download 2.88 Mb. Pdf ko'rish
|
Математик тасаввурларни шакллантириш
- Bu sahifa navigatsiya:
- Nazorat uchun savollar
- Adabiyotlar
- BOLALARNING HAR BIR YOSH GURUHIDA VAQTNI IDROK QILISHI Tayanch so‘z va iboralar
|
O‘yinning borishi: Tarbiyachi rangli doirachalarni har xil joyga qo‘yib,
bolalarga signal chaladi va rangni aytadi, bolalar rangni eshitib, shu rangdagi doira oldiga turadi. Adashgan bola o‘yindan chiqib turadi. Dushanba – qizil rangda, Seshanba – ko‘k rangda, Chorshanba – yashil rangda, Payshanba –sariq rangda, Juma – siyohrangda, Shanba –jigarrangda, Yakshanba – qora rangda. Nazorat uchun savollar: 1.Vaqtning qanday xususiyatlari bor? 2. Bolalarda vaqtni his qilish qanday yo‘llar bilan rivojlantiriladi? 3. Bolalarni vaqtni idrok qilishga o’rgatishda qanday didaktik o’yinlardan foydalaniladi? Topshiriqlar: Maktabgacha tarbiya yoshidagi bolalar bilan bolalarda vaqtni idrok qilishga o‘rgatishni “Nima uchun?” texnologiyasi asosida taqqoslang va taqdimot tayyorlang. Adabiyotlar: 115 1. Бикбаева Н.У., Ибрагимова З.И., Қосимова Х.И. Мактабгача тарбия ёшидаги болаларда элементар математик тасаввурларни шакллантириш. – Т.: Ўқитувчи, 1995 й. 2. Jumayev M. Maktabgacha yoshdagi bolalarda matematik tasavvurlarni shakllantirish metodikasi va nazariyasi. – T., 2007. 116 BOLALARNING HAR BIR YOSH GURUHIDA VAQTNI IDROK QILISHI Tayanch so‘z va iboralar: vaqt qismlari, tabiat hodisalari, sutka qismlari, vaqt ko‘rsatkichlari, hafta kunlari, yil fasllari. Bolalarda vaqtni idrok qilish qobiliyatining shakllanishi. O‘quv yilining boshida katta guruh bolalarida ertalab, kunduzi, kechqurun va kechasi kabi vaqt qismlari haqidagi tasavvurlar mustahkamlanib, ular vaqtni atrofidagi kattalar bilangina emas, balki vaqtning obyektivroq ko‘rsatkichlari – tabiat hodisalari (quyosh chiqishi) bilan bog‘laydilar. Tarbiyachi bolalar bilan ularning atrofidagi kattalar bilan kun davomida nima ish qiladilar, ularni qanday izchillikda, qachon bajaradilar, erta tong, kunduz, kechqurun haqidagi taassurotlari to‘g‘risida suhbatlashadi. Bolalarga mavzuga doir she’r va hikoyalar aytib beriladi. Ko‘rsatma material sifatida bolalarning kun davomida xilma-xil faoliyat turlari aks ettirilgan rasm va fotosuratlardan foydalaniladi: o‘rin ko‘rpalarni yig‘ish, ertalabki gimnastika, yuvinish, ertalabki nonushta. Sutka qismlari haqida tasavvurlarni aniqlashda didaktik o‘yinlar, masalan, bizning kun o‘yini yordam beradi. «Kecha», «bugun», «ertaga» kabi vaqt belgilarining o‘zgaruvchanligi va nisbiyligi bolalarining ularni o‘zlashtirishlarida qiyinchilik tug‘diradi. Besh yoshli bolalar bu so‘zlarni yanglishtiradilar. Pedagog muayyan so‘zlarning mazmun ahamiyatini ochib berish uchun bolalarga quyidagi savollarni beradi: «Biz siz bilan kecha qayerda bo‘ldik?», «Istirohat bog‘iga qachon borgan edik?». Bolalarni vaqt terminlari ustida mashq qildirish uchun katta guruhda so‘zli didaktik o‘yinlar hamda o‘yin mashqlaridan, masalan, «Davom ettir!» o‘yinidan foydalaniladi. Bu mashqni koptok bilan o‘ynaladigan o‘yin shaklsida o‘tkazish mumkin. Bolalar doira bo‘lib turadilar. Tarbiyachi qisqa jumla aytib, koptokni tashlaydi. Kim koptokni ushlab olsa, o‘sha bola tegishli vaqtni aytadi. Masalan: tarbiyachi koptokni tashlab: «Biz pochtaga bordik», - deydi. Bola esa koptokni ushlab olib «kecha» – deb jumlani tugatadi. Bolalar hafta kunlarining nomini faoliyatining aniq mazmuni bilan bog‘laydilar. Endilikda bolalar har kuni ertalab hafta 117 kunlarining nomini shuningdek, kecha haftaning qaysi kuni ertaga qaysi kuni ekanligini aytadilar. Matematika ta`limiy faoliyatlarida vaqti-vaqti bilan bolalarga hafta kunlarini tartibi bilan aytish taklif etiladi. Aytilgan kundan oldin va keyin qanday kun kelishini aytish muhim. Pedagog «Qaysi kunlari rasm chizish mashg‘ulotimiz bor? Musiqa mashg‘ulotichi? deb savollarni almashtirib turadi. Bolalar tartib bilan sanashni, hafta kunlarini tartib bilan aytishni o‘rganib olganlaridan keyin kunni tartib raqami bilan bog‘laydilar. Hafta kunlarining izchilligi haqidagi bilimlarni mustahkamlash uchun “Hafta kunlari” so‘zli didaktik o‘yinidan foydalanish mumkin. Hafta kunlarining alamashinishini kuzatib borish bolalarda takrorli vaqtning o‘zgaruvchanligi haqida tushuncha hosil bo‘lishiga, uning ketidan hafta kelishini ochib berishga imkon yaratadi. Download 2.88 Mb. Do'stlaringiz bilan baham: 
|