O‘zbekiston respublikasi sportni rivojlantirish vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

Baliqlar va nahang 
O‘yinda 7-8 tagacha bola qatnashadi. O‘ynovchilardan biri nahang bo‘lib 
tanlanadi, qolganlar esa – baliqlar. O‘yin uchun 2-3 m keladigan ip kerak. Uning 
bir uchi katta tayoqchaga mahkam bog‘lanadi. Ikkinchi uchini nahang rolini 
bajaruvchi bola tizza balandligida tarang tortib ushlab turadi. Arqonni tarang 
ushlab turgan holda aylana bo‘ylab yuguradi. Arqon yaqinlashayotganda 
baliqchalar (bolalar) ustidan sakrab o‘tishadi. Arqon kimning oyog‘iga tegsa o‘sha 
baliq еyilgan hisoblanadi (ya’ni bola o‘yindan chiqadi). 
O‘yin qoidalari. Bolalar o‘yinni tarbiyachining ishorasiga qarab boshlashadi. 
Arqon doim tarang tortilib turishi kerak. 
Doiradan chiqar 
O‘yinda bir nechta bola ishtirok etishi mumkin. Aylana bo‘ylab bir-biridan 
40-50 sm oraliqdagi kichik doirachalar chiziladi va o‘yinchilar shu doirachaga 
o‘tirishadi. Bir bola turgan holda, bir oyoqlab ular atrofida sakrab turadi. 

---

91 
O‘tirganlardan kimnidir doiradan chiqarib yuborishga harakat qiladi. O‘yinchining 
bitta oyog‘i ham tashqariga chiqib ketsa, u o‘yindan chiqadi. 
O‘yin qoidalari. O‘tirgan o‘yinchilar goh-gohida qo‘llari bilan polga (yoki 
еrga) tegishlari mumkin. Turgan o‘yinchi o‘tirganlarni kuchli turtishi kerak emas. 
O‘yinchi sakrayotgan oyog‘ini o‘zgartirib turishi mumkin. 
 
O‘rmonchi 
Yerga diametri 8-10 m bo‘lgan katta aylana chiziladi. Bu o‘rmon 
hisoblanadi, o‘rtasida kvadrat bo‘lib, bu o‘rmonchining uyi vazifasini o‘taydi. 
Kvadrat ichiga bir bola qo‘yiladi va o‘rmonchi tanlanadi. Qolgan ishtirokchilar 
oqqush bo‘ladilar. 
Oqqushlar o‘rmonga uchib kirib, o‘rtadagi bolani olib chiqishga urinadilar, 
o‘rmonchi esa – ularni tutib olishga, qo‘l bilan tegishga harakat qiladi. Bolani 
kvadratdan olib chiqqan oqqush o‘rmonchi bo‘lib oladi va o‘yin qaytadan 
boshlanadi. 
O‘yin qoidalari. O‘rmonchining uyiga kirish mumkin emas. Tutilgan 
oqqushlar o‘yindan chiqadi. O‘rmonchi o‘rmon tashqarisiga chiqib ketishi mumkin 
emas. Undan tashqari u bitta joyda ham turishi kerak emas, u doimiy ravishda 
aylana ichida harakatlanib turishi lozim.