O„zbekiston respublikasi xalq ta‟limi vazirligi navoiy davlat pedagogika instituti
Download 0.62 Mb. Pdf ko'rish
|
chingiz aytmatov asarlarida rivoyatlarning qollanilishi
MAVZUNING O„RGANILISH DARAJASI. Badiiy adabiyot va xalq
og‟zaki ijodi munosabatlari jahon adabiyotshunosligida atroflicha tadqiq etilgan. Muayyan yozuvchi ijodini folklor va yozma adabiyot munosabatida tekshirish tadqiqotchi va olimlar tomonidan yetarli darajada o„rganilgan bo„lib, o„zbek adabiyotshunosligida ham bu borada qator tadqiqotlar amalga oshirilgan. Yozma adabiyot bilan xalq og‟zaki ijodi orasidagi badiiy-estetik aloqadorlikning o„ziga xos xususiyatlari va tasnifi masalalari B.Sarimsoqov, I.Yormatov kabi olimlar tomonidan tadqiq etilgan. Shuningdek, G‟Mo„minov, T.Abdurahimov, G‟.Jalolov, D.Holiqova, A.Ergashev, M.Imomkarimovalarning tadqiqotlarida XX asr o„zbek adabiyoti va folklor munosabati masalasi o„rganilgan 1 .
O„zbek adabiyotshunosligida aytmatovshunoslik o„z o„rni va o„z ovoziga ega. Chingiz Aytmatov ijodi va asarlari tahlili, ularning badiiy qimmati, yozuvchining qardosh xalqlar bilan adabiy munosabatlari masalasini G‟aybulla Salomov, Asil Rashidov, Ilhom G‟aniyev va Rustam Ibragimov singari olimlarimiz o„z tadqiqotlarida batafsil yoritib berganlar. Lekin Chingiz Aytmatovning xalq og‟zaki
ijodiga munosabati haqida o„zbek
adabiyotshunosligida yetarli darajada tadqiqotlar olib borilmagan. Folklor an‟analari syujet va motivlaridan foydalanib, yirik asarlarni dunyo ahliga taqdim etgan yozuvchining o„ziga xos mahorati va milliy epos an‟analari bilan uyg‟unlashgan asarlari tadqiqi olima Pariza Mirzaahmedova tomonidan tahlil qilingan 2 . Shuningdek, yozuvchi asarlari tarjimoni olim Asil Rashidov o„z monografiyasida yozuvchining badiiy asarlari tahlili bilan bir qatorda uning xalq og‟zaki ijodiga bo„lgan alohida mehr-muhabbati haqida ham fikr bildiradi. Shuningdek, ishimizda yozuvchi haqida bitilgan bir qancha ilmiy maqolalardan
1 Mo‟minov G‟. Hozirgi o‟zbek adabiyotida foklorizm: Filologiya fanlari d-ri.diss. – Toshkent, 1994; Imomkarimova M. O‟tkir Hoshimov asarlarida milliy qadriyatlar. Fil. fanl.nomz. dissert. – Toshkent, 2004; Holiqova D. Hozirgi o‟zbek she‟riyatida folklor an‟analari va badiiy mahorat. .Fil. fanl.nomz. dissert. – Toshkent, 2011; Ergashev A. Rivoyat va uning badiiy asar syujetining kompozitsion qurilishidagi o‟rni. Fil. fanl.nomz. dissert. – Samarqand, 1994; 2 Мирза-ахмедова П. Национальная эпическая традиция в творчестве Ч.Айтматова. Дисс.канд.фил.наук. М., 1981 г. 6
ham keng foydalandik. Jumladan, S.Qorayev, D.Aliyeva, O.Fayzullayev, S.Meliyev, P.Mirzaahmedova, N.Sizdiqboyev, N.Jbanova maqolalarida yozuvchi poetic olamining qirralari, xalq og‟zaki ijodidan samarali foydalanish uslubi va mahorati haqida to„xtalib o„tilgan. Mazkur ishlar adib hayoti va ijodini yoritishda alohida ahamiyatga ega. Ularda adib asarlari poetikasiga doir qimmatli ilmiy- nazariy fikrlar bildirilgan.
Download 0.62 Mb. Do'stlaringiz bilan baham: |
ma'muriyatiga murojaat qiling