O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning fizika fanidan davlat ta’lim standarti va o‘quv dasturi toshkent-2017

Kommunikativ kompetensiya:
A2
o‘rganiladigan fizik atamalarni, qonunlarni, qoidalarni to‘g‘ri talaffuz qila oladi, boshqalarga tushuntirib bera oladi va yoza oladi, fizik kattaliklarning xorijiy tilda aytilishi va yozilishini biladi hamda guruhlarda ijodiy tarzda ishlay oladi.
A2+
mustaqil ravishda fizik qonuniyatlar asosida masalalar yecha oladi.


Axborotlar bilan ishlash kompetensiyasi:
A2
turli axborot manbalari va ommaviy axborot vositalari hamda Internet-saytlardan fizikaga oid kerakli ma’lumotlarni izlab topa oladi, ulardan samarali foydalana oladi hamda tahlil qila oladi;
fizik birliklarni boshqa ulushli va karrali birliklarga, jadval ko‘rinishdagi ma’lumotlarni, grafik ko‘rinishga (va aksincha) aylantira oladi.
A2+
turli manbalardan olgan kerakli ma’lumotlarni saralaydi va amaliyotda foydalana oladi.
O‘zini o‘zi rivojlantirish kompetensiyasi:
A2
doimiy ravishda o‘zini o‘zi jismoniy, ma’naviy, ruhiy, intellektual va kreativ rivojlantiradi, hayot davomida mustaqil o‘qib-o‘rganadi, o‘z xatti-harakatini va kompetentligini adekvat baholaydi va mustaqil qaror qabul qila oladi.
A2+
mustaqil qo‘shimcha ma’lumotlardan foydalana oladi.


Ijtimoiy faol fuqarolik kompetensiyasi:
A2
sinfda, maktabda, oilada, mahallada o‘tkaziladigan tadbirlarda faol ishtirok etadi, o‘zining fuqarolik burch va huquqlarini biladi, jamiyat rivojlanishi uchun shaxsiy mas’uliyatni his etadi, o‘zaro munosabatlarda muomala va huquqiy madaniyatga ega bo‘ladi.
A2+
o‘zining fuqarolik burch va huquqlarini bilgan holda mahalladagi muammolarga o‘z fikrini bildira oladi.