O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning fizika fanidan davlat ta’lim standarti va o‘quv dasturi toshkent-2017

50-mavzu: Olamni bilishda va jamiyat taraqqiyotida fizikaning ahamiyati. Hozirgi zamon fizikasi va texnikasi taraqqiyoti. (1 soat, A2+: 1 soat)
51-mavzu: O‘zbekistonda fizika sohasida olib borilayotgan ishlar va ularning amaliy ahamiyati. (1 soat, A2+: 1 soat)
Takrorlash. (1 soat, A2+: 2 soat)
Nazorat ishi. (1 soat, A2+: 2 soat)
O‘quv sayohati. (1 soat, A2+: 2 soat)


O‘quvchilarda shakllangan fanga oid umumiy kompetensiyalar:
Fizik jarayon va hodisalarni kuzatish, tushunish va tushuntirish kompetensiyasi:
A2
yorug‘likning qaytishi va sinishini, linzalarda nurning yig‘ilishini va sochilishini, yorug‘likning kimyoviy va biologik ta’sirini, Oyning harakatini, meteorlarning uchishini kuzatadi, tushunadi va tushuntira oladi.
A2+
kuzatish natijalarini umumlashtirib, ularni matematik ifodalar ko‘rinishida yoza oladi va xulosa chiqara oladi.


Tajribalar o‘tkazish, fizik kattaliklarni o‘lchash va xulosalar chiqarish kompetensiyasi:
A2
yorug‘likning qaytishi va sinishini, Quyosh batareyasidan elektr energiya olishni, shishaning nur sindirish ko‘rsatgichini, linza yordamida tasvir hosil qilish bo‘yicha tajriba o‘tkaza oladi va xulosalar chiqara oladi.
A2+
fizik kattaliklarni fizik asboblar yordamida o‘lchay oladi.


Fizik bilimlar va asboblardan amaliyotda foydalana olish kompetensiyasi:
A2
yorug‘likning qaytish va sinish qonuni, linzaning fokusi va optik kuchi, linzada tasvir yasash, Kepler qonuni kabilarga doir masalalar yecha oladi. Linzalardan, optik asboblar - lupa, mikroskop, fotoapparat, Quyosh batareyasi, taqvimni biladi, vaqtni o‘lchaydigan asboblardan xavfsizlik qoidalariga rioya qilgan holda amaliyotda foydalana oladi.
A2+
fizika asboblarining o‘lchash xatoligini biladi.


O‘quvchilarda shakllangan tayanch kompetensiyalar elementlari: