O`zbekiston respublikasi xalq ta'limi vazirligi

Eslab qolish uchun tushunchalar
Huquq
Deklaratsiya
Konventsiya
Huquqiy layoqat
Muomala layoqati
Majburiyat


«…18 yoshga to’lmagan har bir inson zoti bola hisoblanadi»
Bola huquqlari to’g’risida Konventsiya
1 - modda.

Keling muhokama qilib ko’ramiz:

Siz nima deb o’ylaysiz, quyida keltirilgan holatlarda qanday bola huquqlari buzilgan.
Avval o’z fikringni izhor et, so’ngra murabbiy va o’rtoqlaring bilan muhokama qil.

Qadimiy Spartada nimjon tug’ilgan bolalarni jarlikka tashlab yuborar edilar. Parijda esa ilgarilari, ota-onalar uchun mashaqqatli bo’lgan bolalarni kambag’allarga sotib yuborardilar.
Kar, soqov va bir qo’l bilan tug’ilish - bu og’ir. Doimo bu haqida mazax va masxara qilishib seni kamsitishadi.
Ona o’g’lini doimo pul topish uchun majbur qilar va topilgan pul evaziga o’z sheriklari bilan mayxo’rlik qilar edi. Mast bo’lib olgandan so’ng o’g’lini ko’chaga haydab yuborardi.
Ota qizini tengdoshlari bilan muloqotda bo’lishiga qarshi bo’lib, ular unga yomon narsalarni O’rgatishini ro’kach qilar edi.
Ota-onalari o’z bolasini doimo turli she'rlarni yod olishga, o’zlari bilan turli marosimlarda qatnashishga majbur etar edilar. Garchand bola uchun ular zerikarli va ba'zan esa qo’rqinchli edi.
Farzand tug’ilishi bilan ota-onalari uni o’qituvchi bo’lishiga qaror qildilar.
Qiz bolani o’qituvchisi, uni malla sochidagi ko’k kokilini yoqtirmasligi uchun har gal darsdan chiqarib yuborar edi. Qiz bola esa ijodiy shaxs bo’lgani uchun ham, ushbu ko’k kokil uni ushbu xususiyatini ajratib turar edi.