Oʻzbekiston Respublikasidagi iqtisodiy, Ijtimoiy-siyosiy voqealarga doir maʼlumotlar

deydi Prezident Shavkat Mirziyoyev.
Bir qarashda u bayramona qutlovga o‘xshaydi. Yuzaki yondashuvchilar shunday o‘ylashi ham ehtimoldan xoli emas. Ammo masala mohiyatiga chuqurroq nazar solgan kishi tantanalar minbarida tilga olingan mulohazalar aslida “Vaqtni – imkoniyatga, imkoniyatni – yutuqqa, yutuqni taraqqiyot poydevoriga aylantira olgan xalq – buyuk xalqdir” degan qutlug‘ da’vat halqalari o‘zaro chambarchas bog‘langanini sezishi qiyin emas. Binobarin, ezgu orzu-istaklar bilan umrguzaronlik qilayotgan mard va olijanob, mehr-oqibatli elimiz ayni shunday xalq bo‘lib maydonga chiqmoqda. “Biz bir bo‘lsak – yagona xalqmiz, birlashsak – Vatanmiz!” tarzida jaranglagan shior tillardan dillarga ko‘chib aks sado berayotgani ham haq so‘z ta’sirining dalolatidir.
Prezidentimiz Shavkat Mirziyoyevning O’zbekiston Respublikasi davlat mustaqilligining o‘ttiz ikki yilligiga bag‘ishlangan tantanali marosimdagi nutqida e’tibor qaratilgan barcha masalalar ertangi kunimiz uchun nihoyatda muhim va dolzarb, albatta. Bugun o‘zbek xalqi o‘z yetakchisi rahnamoligida ulkan maqsadlar sari dadil intilmoqda. Chunki Prezidentimiz ta’kidlaganlaridek, biz vaqtni – imkoniyatga, imkoniyatni – yutuqqa, yutuqni taraqqiyot poydevoriga aylantira oladigan buyuk xalqmiz.