O’zbekiston Respublikasining Pokiston Davlati bilan hamkorlik aloqalari

Mamlakat salmoqli ijtimoiy-siyosiy, sotsial-iqtisodiy, madaniy-gumanitar va inson salohiyati, qulay geosiyosiy joylashuvi va muvozanatli tashqi siyosati tufayli bugungi kunda mintaqaviy siyosatda hamda dolzarb xalqaro masalalarni hal etishda muhim rol o‘ynamoqda.

• Pokiston bilan ko‘p qirrali o‘zaro manfaatli hamkorlikni har tomonlama kengaytirish bugungi kunda o‘z taraqqiyotining yangi tarixiy bosqichida turgan O‘zbekiston manfaatlariga javob beradi. Bu haqda Prezident Shavkat Mirziyoyevning Oliy Majlisga Murojaatnomasida ham ta’kidlab o‘tilgan.

Bugun ikki davlat o‘rtasida samarali muloqot o‘rnatish va uni mustahkamlash uchun zarur shart-sharoitlar yaratilmoqda. XVI asrda zamonaviy Pokiston, Hindiston, Bangladesh va janubi-sharqiy Afg‘oniston hududida o‘zbek xalqining buyuk ajdodi Zahiriddin Muhammad Bobur asos solgan qudratli saltanatning barpo etilishi madaniyatlar va ma’naviy qadriyatlarning o‘zaro ta’sir o‘tkazishiga asos bo‘ldi. Tarixdan meros qolgan boy madaniy-tarixiy va ilmiy-ma’rifiy boylik bugungi va kelajak avlodlarning abadiy mulki bo‘lib qoladi.

Bugun ikki davlat o‘rtasida samarali muloqot o‘rnatish va uni mustahkamlash uchun zarur shart-sharoitlar yaratilmoqda. XVI asrda zamonaviy Pokiston, Hindiston, Bangladesh va janubi-sharqiy Afg‘oniston hududida o‘zbek xalqining buyuk ajdodi Zahiriddin Muhammad Bobur asos solgan qudratli saltanatning barpo etilishi madaniyatlar va ma’naviy qadriyatlarning o‘zaro ta’sir o‘tkazishiga asos bo‘ldi. Tarixdan meros qolgan boy madaniy-tarixiy va ilmiy-ma’rifiy boylik bugungi va kelajak avlodlarning abadiy mulki bo‘lib qoladi.

• Bugungi kunda O‘zbekiston va Pokiston poytaxtlarida ikki davlat elchixonalari faoliyat yuritib, 1992 yil may oyida o‘rnatilgan o‘zaro hamkorlikning izchil rivojlanishiga ko‘maklashmoqda. Mamlakatlarimiz parlamentlarida do‘stlik guruhlari tashkil etilgan, turli darajadagi siyosiy muloqotlar muntazamlik kasb etgan.

O‘zbekiston Prezidenti Shavkat Mirziyoyevning 2017-2018 yillarda xalqaro tadbirlar (ShHT va Islom hamkorlik tashkiloti sammitlari) doirasida Pokiston Prezidenti Mamnun Husayn va Bosh vaziri Navoz Sharif bilan o‘tkazgan uchrashuvlari ham shundan dalolat beradi. 2019 yilning aprel oyida Pekinda “Bir makon, bir yo‘l” xalqaro forumida va shu yilning iyun oyida Bishkekda ShHT davlat rahbarlari sammitida O‘zbekiston rahbari Pokistonning amaldagi Bosh vaziri Imron Xon bilan uchrashdi.