Oʻzbekiston respublikasining soliq kodeksi (Yangi tahriri) Oʻzbekiston Respublikasining

432-modda. Soliqni toʻlash tartibi 
(1-q.)
Qishloq xoʻjaligi uchun moʻljallanmagan yerlar uchun soliqni toʻlash quyidagicha 
amalga oshiriladi: 
aylanmadan soliq toʻlovchilar uchun - yillik soliq summasining toʻrtdan bir qismi miqdorida, 
har chorak uchinchi oyining 20-sanasidan kechiktirmay; 
(OʻzR 30.12.2022-y. OʻRQ-812-son 
Qonuni tahriridagi xatboshi) 
aylanmadan soliq toʻlovchi boʻlmagan soliq toʻlovchilar uchun - yillik soliq summasining 
oʻn ikkidan bir qismi miqdorida, har oyning 10-sanasidan kechiktirmay. Bunda yanvar oyi uchun 
20-yanvardan kechiktirmay amalga oshiriladi. 
(OʻzR 30.12.2022-y. OʻRQ-812-son Qonuni 
tahriridagi xatboshi) (Oldingi tahririga qarang) 
(2-q.)
Soliq davri davomida soliq toʻlashning belgilangan muddatidan keyin majburiyatlar 
yuzaga kelganda, ushbu summani toʻlash majburiyatlar yuzaga kelgan sanadan eʼtiboran oʻttiz 
kundan kechiktirmay amalga oshiriladi. 
(3-q.)
Qishloq xoʻjaligiga moʻljallangan yerlar uchun soliqni toʻlash quyidagicha amalga 
oshiriladi: 
hisobot yilining 1-sentyabriga qadar - yillik soliq summasining 30 foizi; 
hisobot yilining 1-dekabriga qadar - soliqning qolgan summasi. 
62-BOB. JISMONIY SHAXSLARDAN 
OLINADIGAN YER SOLIGʻI 
433-modda. Soliq toʻlovchilar 
434-modda. Soliq solish obyekti 
435-modda. Soliq bazasi 
436-modda. Soliq imtiyozlari 
437-modda. Coliq stavkalari 
438-modda. Soliq davri 
439-modda. Soliqni hisoblab chiqarish tartibi 
440-modda. Soliq toʻlash tartibi 

---

433-modda. Soliq toʻlovchilar 
(1-q.)
Mulk huquqi, egalik qilish, foydalanish yoki ijara huquqlari asosida yer uchastkalariga 
ega boʻlgan jismoniy shaxslar, shuningdek yuridik shaxs tashkil etgan yoki etmagan holdagi 
dehqon xoʻjaliklari jismoniy shaxslardan olinadigan yer soligʻini soliq toʻlovchilari (bundan buyon 
ushbu bobda soliq toʻlovchi deb yuritiladi) deb eʼtirof etiladi. 
(2-q.)
Tuman (shahar) hokimi bilan tuzilgan yer uchastkasining ijara shartnomasi asosida 
berilgan yer uchastkalari uchun toʻlanadigan ijara toʻlovi yer soligʻiga tenglashtiriladi. Yer 
uchastkalarini ijaraga olgan jismoniy shaxslarga nisbatan jismoniy shaxslardan olinadigan yer 
soligʻini toʻlovchilar uchun belgilangan soliq stavkalari, soliq imtiyozlari, soliqni hisoblab 
chiqarish va toʻlash tartibi tatbiq etiladi. 
(OʻzR 06.06.2022-y. OʻRQ-775-son Qonuni tahriridagi 
qism) 
(3-q.)
Uy-joy, yashash uchun moʻljallanmagan imoratlar va inshootlar meros boʻyicha 
oʻtishi bilan birgalikda mulk huquqi, egalik qilish va foydalanish huquqi oʻtgan yer uchastkalari 
uchun yer soligʻi meros qoldiruvchining soliq majburiyatlarini inobatga olgan holda 
merosxoʻrlardan undiriladi.