O‘zbekiston yozuvchilar

UCHAR TARELKAGA
Xush kelibsan, tarelka, hoy, 
Bizning saxiy bu elga, hoy!
Tanla qulay bir go‘shani,
Bizga ayon et peshani:
Kimsan? Qaydan kelding?! Nega? 
Elchimisan yoki ega?!
Qanday yuk bor, xo‘sh, yelkangda, 
Ne keltirding tarelkangda?!
www.ziyouz.com kutubxonasi

---

Omon MATJON
106
Tashrifing – sulh yaqinlikmi? 
Tub maqsading yo kinlikmi?!
Keldi yurtimizga ko‘plar,
Tiqdi ko‘zimizga cho‘plar.
Tarelkang bo‘sh, sen och bo‘lsang, 
Bir madadga muhtoj bo‘lsang,
Tush-u faqat o‘zingni bil, – 
Ortda qolar, izingni bil!
Ishing – ajib, yuzing – jozib, 
So‘zing – najib, iching – kozib.
Sen ham toptab orimizni,
Tashib ketsang borimizni.
Bilki, qayga bekin – qopil, 
Qolmagaymiz bu gal g‘ofil!
Bayroq etib alam – o‘qni, 
Arshgacha titib ko‘kni.
Kelgan barcha xil yov uchun,
Barcha zulm-aldov uchun.
Qahrimizdan kuch olgaymiz,
O‘ch olgaymiz, o‘ch olgaymiz!
1990 
www.ziyouz.com kutubxonasi

---

MAQSUDAM
107
ILOHIYLIK XUSUSINDA
Menga tavdir bo‘ldi bir suhbat ilohiydin, 
Munojot bandadandir, rag‘bat ilohiydin.
Bul omonat jon o‘zi oliy mukofotdir,
Ne yana kelmish menga navbat ilohiydin.
Dilda suvrat aks etib, diydortalab bo‘ldim, 
Ne navo bu, ne chiroy, hayrat ilohiydin.
Bir ko‘ngilni ovlamoq andoq moʻjizakim, 
Yetti iqlim sayriga ruxsat ilohiydin.
Bul na o‘tkir ignadir, bog‘landi turfa ip, 
Kiydi so‘z jondin libos, xil’at ilohiydin.
Umri guldan qisqadir, kapalak gul sevdi,
Gar qanot qoqqunchalik fursat ilohiydin.
Ko‘ksingizda navbahor sehrin asrang, yoshlar, 
Chunki ogoh fasli – bu, muhlat ilohiydin.
Zulf ol yuzni to‘sib berkitdi do‘zaxni: 
Nomusu, iffat, hayo, jannat ilohiydin.
Menda oz deb, unda ko‘p, ko‘zlarda kir 
yig‘mang, 
Asli ganj iymon erur, nusrat ilohiydin.
www.ziyouz.com kutubxonasi

---

Omon MATJON
108
Nafsi ustun kimsadin tog‘ ham yiroq tushar, 
Chunki insonga sharaf, masnad ilohiydin.
Tolib etdi ko‘p yig‘ib bexosiyatlarni,
Ul muallim, do‘zaxiydir, la’nat ilohiydin.
Beriyolar davrasi fitna-fasod erur, 
Boshlarig‘a o‘ch yog‘ur albat ilohiydin.
Ikki olam tashvishi yuk bo‘lsa, g‘am chekma, 
Qahrni yengsang, kelur shafqat ilohiydin.
Haq esang el oldida, Haq oldida rostsan,
El ko‘zi birlan boqur qismat ilohiydin.
Shohi odilni azal kuylaydi ahli she’r,
Tojni tole kiydirur, davlat ilohiydin.
Shohga farzanddek turur turfa maslakli el, 
Barchasin teng tutgali san’at ilohiydin.
To‘qson ikki bovli yurt, to‘nlarni farq etmang, 
Chunki millat bittadir, millat ilohiydin.
Balqdi olam toqida bayroq yalovmiz,
Erk deganlar oldi erk albat ilohiydin.
Ko‘ngli oq xalqim uchun Makka eshik ochdi, 
Keldi istiqlol kuni rahmat ilohiydin.
O‘ttiz ikki qush, Omon, yelkangda isyondir, 
Asradin go‘zlukni sen, rag‘bat ilohiydin.
www.ziyouz.com kutubxonasi

---

MAQSUDAM
109
* * *
Bugun yurt ufqida bir nur ko‘rindi, 
Beklarni kengashga chorlang, hazratim. 
Qo‘sh boshli quzg‘unning qanoti sindi, 
Beklarni kengashga chorlang, hazratim.
Ammo yov aldashga hamon ko‘p mohir, 
Ko‘nmas, qo‘ldan ketsa shundoq javohir. 
Bandi kishanimiz hali ko‘p og‘ir, 
Beklarni kengashga chorlang, hazratim.
Hali og‘zi ola va tumtaroqmiz, 
Ba’zilar qo‘lida shundan tayoqmiz.
Birlashsak ko‘plardan qudratliroqmiz, 
Beklarni kengashga chorlang, hazratim.
O‘zimiz olaylik yo‘llardan toshni, 
O‘zimiz aritib dillardan g‘ashni.
O‘zimiz boshlaylik keksa-yu yoshni, 
Beklarni kengashga chorlang, hazratim.
Har qalbdagi umid, pok xayol haqi, 
Bayroqda yuz ochgan ilk hilol haqi.
Tolemizda balodan Istiqlol haqi, 
Beklarni kengashga chorlang, hazratim.
15.XI.91
www.ziyouz.com kutubxonasi

---

Omon MATJON
110