|
Fuqarolik sudi hakamlik sudi hal qiluv qarori bilan bog`liq ish ko`rayotganda ishda ishtirok etishga jalb qilinmagan shaxslar ham nizolashishi mumkin(mi)? Fuqarolik sudi hakamlik sudi hal qiluv qarori bilan bog`liq ish yuritishda qaysi doirada ishni ko`radi? Ish yuritish doirasida cheklovlar bormi?
Demak, endigi savollarga umumiy qilib javob berishga harakat qilaman.
Fuqarolik-protsessual kodeksining 346-moddasiga asosan, fuqarolik sudlari hakamlik sudining hal qiluv qarori bilan bog`liq ko`rishi mumkin bo`lgan masalalar doirasi chegaralab qo`yilgan. Bular quyidagilardir:
Hakamlik sudlarining hal qiluv qarorlarini majburiy ijro etish to`g`risidagi.
Hakamlik sudlarining hal qiluv qarorlarini majburiy ijro etish uchun ijro varaqalari berish haqidagi arizalar bo‘yicha ishlar.
Shuningdek, fuqarolik sudlari hakamlik sudlarining hal qiluv qarorlari yuzasidan berilgan ariza bo`yicha ishlarni mazmunan ko`rishga haqli emas.
Fuqarolik sudlari hakamlik sudlari tomonidan hal qiluv qarori bilan bog`liq ishlarni ko`rishda yuqoridagi chegaradan chiqishi mumkin emas.
Fuqarolik-protsessual kodeksining 349-moddasiga ko`ra hakamlik sudining fuqarolik ishlari bo‘yicha sudga taalluqli nizoga doir hal qiluv qarori yuzasidan huquqlari va majburiyatlari haqida hakamlik sudi hal qiluv qarorini qabul qilgan, ishda ishtirok etishga jalb qilinmagan shaxslar ham nizolashishi mumkin.
Do'stlaringiz bilan baham: | 
