O’zbekistonda turizmini raqamlashtirishdagi muammolar. Muallif

O’zbekistonda turizmini raqamlashtirishdagi muammolar.

Muallif: Topvoldiyev Ilxomjon, Mirzatullayev Otabek, Hoshimov Bahodirjon.
Latviyaning Axborot tizmlari oliy maktabining Farg’ona shaxri filialida taxsil oladi.
Elektron pochta: [e-mail]
Manzili: Farg’ona tumani.

Annotatsiya:
Ushbu maqolada O’zbekiston turizmini raqamlashtirishdagi muammolar xaqida fikr yuritiladi. Ya’ni O’zbekistonda turizmini raqamlashtirishda qanday muammolar bor, ularning yechimlari va bu yechimlar qanchalik ahamiyatli ekanligi xususida ushbu maqolada yoziladi.
Kalit so’zlar.
O’zbekturizm, infratuzilma, raqamlashtirish, axborot texnologiyalari, xalqaro turistik tushumlar, innovatsion loyixalar, milliy hunarmandchilik, motivatsiya.
Kirish
Maʼlumki turizm sohasi mamlakat iqtisodiyotiga eng tez daromad keltiruvchi tarmoqlardan biri hisoblanadi, shu boisdan ham hozirda koʻplab mamlakatlar milliy iqtisodiyoti tarkibida turizmdan keladigan daromadlarni oshirishga harakat qilmoqda. Kun.uz saytining ma’lumotiga ko’ra, Pandemiyadan oldin dunyo miqyosida ish bilan band bo‘lgan aholining har o‘ndan biri turizmga aloqador faoliyat turi bilan shug‘ullangan. 2020 yilda O‘zbekistonda turistik xizmatlar eksportidan tushgan daromad 80 foizga pasayib ketdi. 2019 yilda boshlangan koronavirus infeksiyasi va 2020 yil boshlarida Covid-19 pandemiyasi O’zbekiston turizm sanoatiga jiddiy taʼsir oʻtkazdi. Bu pandemiya davrida tabiiyki birinchi boʻlib turizm sohasi jiddiy yoʻqotishlarga uchradi. Hozirda turizmning turli shakllari mavjud boʻlib eng tez rivojlanayotgan turizm sohasi bu dam olish turizmi hisoblanadi. Koʻplab mamlakatlar qulay geografik hududda joylashgan boʻlsa-da, lekin dam olish turizmining rivojlanishi sekin kechmoqda. Buning bir qator sabablari mavjud eng avvalo ushbu sohaga tikiladigan investitsiya, qulay geografik hudud, sayohat qilishning qulaylik darajasi, infratuzilma va kadrlar muammosi mamlakatlarda turizm rivojlanishiga u yoki bu maʼnoda taʼsir oʻtkazadi.