Asqarov M.A. (1931). O’zFA akademigi, kimyo fanlari dok-tori, professor. 500 dan ortiq ilmiy maqolalar, 10 dan ortiq mono-grafiya va darsliklar muallifi. Uning rahbarligi ostida 14 ta fan doktori va 90 dan ortiq fan nomzodi tayyorlangan. Tabiiy va sun'iy polimerlar sohasida yirik ilmiy ishlar qilgan. O’zbekistonda polimerlar kimyosiga asos solgan taniqli olimlardan biri. Mirkomilov T.M. (1939-2004). O’zFA akademigi. Xalqaro Oliy maktab Fanlar Akademiyasi akademigi. Texnika fanlari doktori, professor. 450 dan ortiq ilmiy maqolalar, 40 dan ortiq ixtiro va 4 ta monografiya, 5 ta darslik muallifi. Uning rahbarligi ostida 8 ta fan doktori va 20 ta fan nomzodi tayyorlangan. Ilmiy ishlari polimer moddalar kimyo texnologyasi muammolariga bag’ishlangan bo’lib, plastmassalar, sun'iy tolalar, olishga chidamli kinofotoplenkalar hamda fiziologik faol polimerlar sinteziga bag’ishlangan.
Do'stlaringiz bilan baham: |
