Автомобильная дорога обходная - айланиб ўтувчи автомобиль йўли - шаҳар ҳудудининг ташқи томонида ёки бошқа аҳоли пунктидан қандайдир масофа узоқликда жойлашиб, транзит ҳаракатни шаҳар кўча тармоғидан олиш ва энг қисқа вақт ичида тўсиқсиз ўтказиш учун хизмат қилувчи йўл.
Автомобильная дорога платная- пулли автомобиль йўли - автомобиллар ҳаракатини таъминлайдиган, транспорт қатнови учун ҳақ олинадиган йўл.
Автомобильная дорога подъездная - кириш автомобиль йўли - туманлар, шаҳарлар, саноат ва қишлоқ хўжалик корхоналарини темир йўл тугунлари, дарё ва денгиз бандаргоҳлари, аҳолининг оммавий дам олиш жойлари билан боғлиқлигини таъ-минловчи ва бу объектларни юқорироқ тоифадаги йўллар билан боғловчи йўл.
Автомобильная дорога промышленного предприятия- саноат корхонасининг автомобиль йўли - саноат ёки бошқа корхона (ташкилот) баланси (ҳисоби)да турувчи, унинг ҳудудидаги ишлаб чиқариш, технологик ташишларига хизмат кўрсатувчи ва унга кириш йўли. Шу корхона ишлаб чиқаришнинг, технологик талаблари асосида лойиҳаланади.
Автомобильная магистраль - автомобиль магистрали - катта тезликларга мўлжалланган, юқори ўтказиш қобилиятига эга, автотранспорт воситаларининг тезкор ҳаракати учун кўзда тутилган, йўл олди ҳудудга хизмат кўрсатмайдиган йўл. Ҳаракат йўналишлари бўйича бир-биридан ажратувчи тасма билан ажра-тилган қатнов қисмларига эга. Бошқа йўллар (автомобиль, темир йўллар, трамвай, пиёдалар йўли) билан кесишиши турли сатҳда амалга оширилади.
Автомобильный транспорт- автомобиль транспорти- энг мобиль ҳамда ҳар томонлама мукаммал транспорт воситалари ва автомобиль йўллари тармоғининг жамлиги ҳисобланган ягона транспорт тизимининг муҳим транспорт турларидан бири.
Время сообщения- йўлни босиб ўтиш учун сарфланган вақт - йўлдаги тўхташ жойларини ҳисобга олмаган ҳолда кўрилаётган йўналиш (йўл) бўйича ҳаракатланиш муддати. Фақат бошқа автомобиллар мавжудлиги ва чорраҳалардаги кутишларга боғлиқ кечикишлар ҳисобга олинади. Соат ёки дақиқада ўлчанади.
Do'stlaringiz bilan baham: |
