«oziq-ovqat mahsulotlari texnologiyasi va sanoat uzumchiligi» fakulteti «oziq-ovqat mahsulotlari texnologiyasi» kafedrasi «ixtisoslikka kirish»

O’quv-uslubiy bo’lim boshlig’i: ______________ Maxmudov. O. H.
Fan o‘qituvchilari haqida ma’lumot:

Ravshanov Suvonqul	–lektor, TKTI Shahrisabz filiali “Oziq-ovqat mahsulotlari texnologiyasi” kafedrasi dotsenti
Raxmonov Erkinjon	–tyutor, TKTI Shahrisabz filiali “Oziq-ovqat mahsulotlari texnologiyasi” kafedrasi assistenti

Zinatullaevna

Muxammadiyev Sanjar

–tyutor, TKTI Shahrisabz filiali “Oziq-ovqat mahsulotlari texnologiyasi” kafedrasi assistenti

Ofis: TKTI Shahrisabz filiali, OOMTSU fakulteti, OOMT kafedrasi.

Manzil: Shahrisabz Shahar, Shahrisabz ko’chasi 20-uy

Telefon:[phone]

Email:[e-mail]

Sayt: www.stict.uz

Intizomiy talablar:

Talabaning intizomi institutdagi “Talabalar uchun ichki tartib-qoidalar”ga to‘liq javob berishi shart.

Kirish
Fanning ahamiyati. Keyingi yillarda amalga oshirilayotgan islohotlar iqtisodiyotning barcha tarmoqlarini, jumladan, oziq-ovqat sanoatini rivojlantirish hamda nafaqat ichki bozorda raqobatbardosh balki jahon bozoridagi talablardan kelib chiqqan holda eksportbop oziq-ovqat mahsulotlarini ishlab chiqarishga asosiy ustuvor vazifa sifatida qaralmoqda. O‘zbekiston Respublikasi Prezidenti Shavkat Mirziyoyevning 2019 yil 29 iyuldagi “Qishloq xo‘jaligi mahsulotlarini chuqur qayta ishlash va oziq-ovqat sanoatini yanada rivojlantirish bo‘yicha qo‘shimcha chora-tadbirlar to‘g‘risida”gi qarori mamlakat iqtisodiyoti uchun sohaga yangi mexanizmlarni joriy etgan holda mahalliy xom ashyolardan foydalanib, aholini sifatli oziq-ovqat mahsulotlari bilan barqaror ta’minlash uchun mutaxassis kadrlar tayyorlashni taqozo etadi.

Mazkur Qaror asosida hozirgi kunda Respublikamizda, qishloq xo‘jaligi mahsulotlarini qayta ishlash bo‘yicha 174 va oziq-ovqat sohasida import o‘rnini bosuvchi mahsulotlar ishlab chiqarish bo‘yicha 24 yirik investitsiya loyihasi amalga oshirilmoqda. Xususan, paxta va g‘allaga davlat buyurtmasidan voz kechilib, narx belgilash erkinlashtirildi. Mahsulot ishlab chiqarishda klaster tizimiga o‘tildi va ularning rivojlanishi uchun barcha sharoit yaratildi. Joriy yilda tashkil qilingan 102 ta g‘allachilik klasteri fermerlarga namuna bo‘lib, olingan qo‘shimcha don hisobidan aholiga arzon go‘sht, baliq va parrandachilik mahsulotlari yetkazib berishi maqsadga muvofiq. Ana shu vazifalar ijrosini ta’minlash, oziq-ovqat mahsulotlari turlari va hajmini kengaytirishda va bu sohalar uchun mutaxassislar tayyorlashda “Ixtisoslikka kirish” fani muhim o‘rin tutadi.