Pa’n: Woqiw

Shımbay rayonlıq 37-sanlı ulıwma bilim beriw mektebiniń
baslawısh klass oqıtıwshısı Táńirbergenova Perizanıń
Ana tili hám oqıw sawatlılıǵı sabaǵınan bir saatlıq sabaq islenbesi
Pán: Ana tili hám oqıw sawatlılıǵı
Tema: Kiyiklerdi óltirmeń aǵajan. X.Saparov
Sabaqtıń maqseti:

1. 
   Bilim beriwshilik: Oqıwsılar ,,Kiyiklerdi óltirmeń aǵajan” temasınıń mazmunı menen tanısadı.
   

Tarbiyalıq: Tabiyat sırların úyreniwge háwes, onıń baylıqların asırap-abaylawǵa úyretiw. Óz-ara húrmet hám doslıq múnásibette bolıw ruwxinda tábiyalaw.
Rawajlandiriwshiliq: Oqıwshılardıń awızsha sóylewin, erkin pikirlew qábiletin rawajlandırıw.
Sabaqtıń túri: Dastúriy emes sabaq. Jańa bilim beriw.
Sabaqqa kerekli qurallar: Taxta, sabaqlıq,tarqatpalı materiallar h.t.b.
Sabaq modulı

Q/s	Sabaqtıń	waqtı	metod	Kereklı materıallar
1	Shólkemlestiriw	3 mın	Toparǵa bólıw	Sabaq islenbe
2	Ótilgen temanı bekkemlew	7 mın	Toparlar menen islesiw	Kespe materiallar
3	Taza tema	15 mın	Kishi lekcıya, ,	Kerekli plakatlar, slayd.
4	Bekkemlew	15 mın	oyın	Kespe materiallar
5	Bahalaw	3 min		Reńli jetonlar
5	Úyge tapsırma beriw	2 mın	Oqıp keliw	Súwretler

1. Shólkemlestiriw.

Oqıwshılar menen sálemlesiw, klass tazalıǵına itibar beriw, náwbetshiler arqalı balalardı barlaw, barlıq dıqqatın sabaqqa qaratıp sabaqtı baslaymız.


Aqiliy hújim.

1. 
   Házir qaysı mawsim, qaysı aylar kiredi?
   
2. 
   Jıl mawsimler degende neni túsinesiz, neshe mawsim, neshe ay bar?
   

Ótken sabaqqa soraw-juwap islenedi?X.Saparovtıń,, Ana tabiyat” qosıǵı
1. Tábiyattı ne ushın anaǵa teńeydi?
2. Ashıwlansań, qarsı úyilgen qabaǵıń,
Qap-qarańǵı bult jamılǵan tún eken“, – degen qatarlarda hawa-rayınıń qanday kórinisi aytılǵan?
3. Ne ushın insannıń ırısqısı ana-tábiyattan boladı?.
Taza tema: Kiyiklerdi óltirmeń aǵajan. X.Saparov
Sabaqlıq penen islesiw. Kitaptıń 32-betindegi gúrrińdi oqıwshılarǵa oqıp berip túsindiremiz.
Meniń úyim Ústirttiń eteginde jaylasqan. Mektep penen biziń úydiń arası táwir-aq jer. Sabaqtan shıǵıp azǵana júrgen soń izimnen bir mashina jetti. Men qolımdı
kóterdim hám aydawshıǵa:
– Ústirt eteginde túsip qalaman. Alıp ketiń, aǵa, – dep ótinish ettim.
Bir jerlerge kelgende onlaǵan kiyik uzaqtan kórindi. Kiyikler mashinanıń dawısın esitti me yamasa qarasın kórdi me, jol menen aldına qaray tuyaqlarına zor berdi. Aydawshı mashinanıń tezligin kúsheytti. Men aydawshıǵa qarap:
– Mashinanı qattı aydadıńız ǵoy aǵa, kiyiklerdi jaqınnan kórgińiz keldi me? – dedim. Ol:
– Joq, olay emes. Olardıń izinen jetip, mashinaǵa bastırıp óltiremen. Góshi úydegi balashaǵama awqat boladı. Góshtiń qımbat ekenin bileseń be óziń? – dedi dawısın
qattıraq shıǵarıp. Men sonda aydawshınıń jaman qıyalǵa ketkenin sezdim de:
– Aǵajan, olardı mashinaǵa bastırıp óltirmeń. Obal boladı. Kiyiklerdiń kózleri gawharday, qulaqları qayshıday sup-sulıw. Olar daladan jegendey shóp tabalmay awıldı panala kiyatır. Kiyikler Ústirttiń kórki hám ónip-ósetuǵın baylıǵımız ǵoy. Olardı óltirmeń, aǵajan! – dep jalındım. Meniń bul sózime aydawshınıń júrek – bawırı eljiredi me, mashinanıń tezligin páseytti. Men de sonıń arasında úydiń tusına kelip qalǵan ekenmen, mashinadan tústim.
Aydawshıǵa qarap:
– Raxmet sizge aǵa, Ústirttiń erkesi kiyiklerdi ájel tırnaǵınan qutqardıńız! – dedim.
Aydawshı mashina kabinasınan basın shıǵarıp:
– Óltirmeymen! – dedi. Sonıń arasında kiyikler alǵa taman qustay ushıp, olardiń qarası bizlerden ádewir alısladı.
Kórgizbeli qurallardan paydalnip tema mazmunın túsindiriw.