Pedagogika universiteti

Stenokardiya va miokard  infarkti xurujida birinchi tibbiy yordam. 
Bu  kasallik    juda  ko`p  uchraydi.  Bunda  yurakni  qon  bilan  ta'minlovchi toj 
tomir  tirqishi  qon  laxtagi  (tromb)  bilan  tiqilib  qoladi  va  natijada  yurakning 
ma'lum  qismiga  qon  yetib  kelmaydi.  Natijada  yurakning  shu  qismi  kislorod  va 
oziq  moddalarga  to`yinmaydi  va  ―nekroz‖deb  yuritiladi.  Infarkt  so`zi  ―oqarish‖ 
degan  ma'noni  bildiradi.  Og`riq  sindromini  to`xtatish  uchun  til  ostiga 
(sublingval)  yoki  0,4  mg  aerozolda  nitroglitserin  (har  5  daqiqada  3  marta) 
beriladi.  Agar  nitroglitserin  og`riqni  to`xtatmasa  nonarkotik  analgetiklar 
(ketonal,  ketoral) qo`llaniladi.   
Stenokardiya  kasalligida  yurak  muskullari  yetarli  miqdorda  qon  va  oziq 
moddalar  ololmaydi,  natijada kislorod tanqisligi paydo bo`ladi. Ko`krak qafasida 
kuchli  og`riq  turadi.  Buni  olimlar  «ochiqqan  miokard  qichqirig`i»  deb  atashgan. 
Og`riq  huruji  bir  necha  sekunddan 20 minutgacha davom etadi. Chap qo`l, chap 
yelka  va  kurak  ostiga  uzatilib,  issiq  joydan  sovuq  joyga  o`tganda  og`riq 
kuchayadi.  Ayrim  vaqtlarda  og`riq  huruji  tunda  bo`lib  turadi.  Stenokardiya 
huruji  haftasiga  1-2  martagacha  bo`lishi  mumkin.  Qancha  tez-tez  og`riq  xuruji 
takrorlanib  tursa,  shuncha  kasallik  chuqurlashib,  yurak  to`qimalari  nekroziga, 
ya'ni infarkt  miokardiga  olib keladi.