Pedagogika va psixologiya kafedrasi

Yaxshi enaga toza va ozoda bo'lishi kerak: Hech kim o'z farzandiga tartibsiz va irkit enaga qarashini xohlamaydi. Enaga toza kiyingan, chiroyli taralgan bo'lishi kerak. Makiyaj provokatsion bo'lmasligi kerak, uzun tirnoqlar va provokatsion kiyimlar qabul qilinmaydi.
Yaxshi enaga samimiy bo’lishi kerak: Albatta, bola bilan muloqot qilishda mehribonlik va joziba kerak. Enaga chaqaloq va ota-onalarga yoqishi kerak.
Yaxshi enaga mas'uliyatli va punktual bo'lishi kerak: Kundalik rejimga rioya qilish sog'lom bolaning rivojlanishi uchun muhim omil hisoblanadi. Enaga har doim va hamma narsani o'z vaqtida bajarishi kerak. Kechikmasligi lozim.
Yaxshi enaga yetarlicha xulq-atvor madaniyatini namoyish qilishi kerak: Hamma ota-onalar ham o'z farzandlariga 2 yoshdan boshlab chet tili yoki odob-axloq qoidalarini o'rgatishni rejalashtirmaydilar, ammo hamma o'z farzandining madaniyatli va yetarlicha ma'lumotli odamlar orasida o'sishini xohlaydi. Enaga o'zi ishlayotgan oilaning madaniyati va an'analarini tushunishi, idrok etishi va ularga mos kelishi kerak. Uning xatti-harakatlari va odatlari ota-onalarni bezovta qilmasligi kerak. U bolani ota-onasiga tanish bo'lgan madaniy muhitda rivojlantirishi va tarbiyalashi lozim.
Hech kimga yomon odatlarga ega enaga kerak emas! Chekadigan yoki Xudo saqlasin, ichadigan enaga hech kimga kerak emas. Agar siz enaga sifatida ishlashni istasangiz, yomon odatlar siz uchun emasligini unutmang. Siz yoki yomon odatlardan yoki enaga bo’lib ishlashdan voz kechishingiz lozim.
Ko'pgina ota-onalar enaganing oldingi ish tarixiga katta e'tibor berishadi. Haqiqiy yaxshi tavsiyalar, enaganing muvaffaqiyatli farzandlari, yaxshi sog'liq-bu potentsial ish beruvchilarga aynan ana shu nomzodni tanlashga yordam beradigan afzalliklardir. E'londa keltirilgan ma'lumotlarni hujjat bilan tasdiqlash maqsadga muvofiqdir. Masalan, sog'liqni saqlash to'g'risidagi guvohnoma yaxshi oilada enaga sifatida ishlash uchun majburiydir.
Ko'pincha, enagadan aniq bilim va ko'nikmalar kutiladi. Masalan, bir yoki bir nechta chet tillarini biladigan enagaga talab ko’p bo’ladi. Shunday holatlar bo’ladiki, ota-onalar ongli ravishda bolalarining yoshligidanoq ikkita aloqa tili bo'lgan muhitda o'sishi va rivojlanishi uchun chet ellik enagani tanlab olishadi. Tibbiy ma'lumotga ega bo'lgan enaga, albatta, yaxshi maoshli ish topish imkoniyatiga ko’proq ega bo'ladi. Ushbu qo'shimcha ko'nikmalarning barchasi, shubhasiz, enaganing maoshini qo'shimcha o'sishiga imkon beradi.
Quyida turli ixtisoslikdagi bebisitterlarning asosiy va kerakli ko'nikmalari va qobiliyatlari ro'yxati keltirilgan.