Полимерлар кимёси кафедраси дарс мавзуси: Полимерларнинг суюлтирилган эритмалари ва уларнинг хоссалари

• ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
• МИРЗО УЛУҒБЕК НОМИДАГИ ЎЗБЕКИСТОН МИЛЛИЙ УНИВЕРСИТЕТИ
• ПОЛИМЕРЛАР КИМЁСИ КАФЕДРАСИ
• Дарс мавзуси: Полимерларнинг суюлтирилган эритмалари ва уларнинг хоссалари (2 соат)
• ТОШКЕНТ-2015

• Полимерларнинг қайишқоқлиги ва сегменти ҳақида тушунча.
• Полимерларнинг суюлтирилган эритмалари.
• Полимер эритмаларининг осмотик босими.
• Полимерларнинг қовушқоқлиги ва молекуляр массаси.
• Полимерларнинг суюлтирилган эритмаларининг амалий аҳамияти.

• Режа:

• Полимерларнинг суюлтирилган эритмаларининг ўзига хос бўлган баъзи хусусиятларини кўриб чиқишдан олдин уларнинг суюлтирилган эритмаларини аниқлаб олишга тўғри келади. Шунинг учун макромолекулалари эритмада ўзаро тўқнашмайдиган полимер эритмалари суюлтирилган эритма деб қабул қилинган. Полимер макромолекуласи узун ва қайишқоқ бўлганлиги учун молекуляр массанинг ўсиб бориши билан уларнинг маълум ҳажмда бир-бири билан тўқнашиш сони ортиб боради. Шунинг учун полимер эритмаларининг суюлтириш ва концентрлаш чегараси молекуляр массага боғлиқ. Молекуляр масса қанча катта бўлса, полимер суюлтирилган эритмасининг концентрацияси шунча кичик бўлади.
• Амалда 0,1-0,01 % полимер эритмалари суюлтирилган эритма деб ҳисобланади.

• Қайишқоқлик – бу макромолекула занжири бўғинларининг иссиқлик ҳаракати ёки ташқи куч таъсирида ўз ҳолатини ўзгартириш қобилиятидир.

• Чизиқсимон макромолекуладаги қайишқоқлик моҳиятини тушуниш учун, аввало этан, пропан молекулаларини кўриб чиқиш керак.
• Молекула ўз ўқи атрофида эркин айланади, деб фараз қилинса, бунда водород атомларининг фазодаги ўрни С-С боғи атрофида ўзгариб, этан молекуласи турли конфармацион шаклга эга бўлиши мумкин.

•