Galisiyadagi polyak xalqining siyosiy va madaniy taraqqiyoti uchun ancha qulay imkoniyatlar mavjud edi. Avstriya-Vengriya imperiyasi tashkil topgach imperator hokimyati polyaklarning mulkdor sinflariga, eng avvalo yirik yer egalariga tayanishga harakat qildi. O’lka muxtoriyatga ega bo’lib, o’z seymi va Venadagi reyxsratda o’z vakillariga ega edi. Maktablarda polyak tilida o’qitish yo’lga qo’yilgan bo’lib, Krakov va Lvovda universitetlar faoliyat ko’rsa-tardi. Pol’shaning barcha qismlarida qishloq xo’jaligida asta-sekin kapitalistik munosabatlar rivojlana boshladi. Pol’sha Qirolligida asr oxiriga kelibpomeshchik yer egaligi ancha qisqardi, qishloqda tabaqalanish yuz berdi, yersiz batraklar soni oshdi. Dehqonchilik madaniyati sekinlik bilan rivojlanib bordi. Galisiyada ersiz va kam erli dehqonlarning chet ellarga ish izlab ketishlari kuchaydi.
Do'stlaringiz bilan baham: |
