Прокуратура органларида иш ўрганиш намунавий дастури

ПРОКУРАТУРА ОРГАНЛАРИДА ИШ ЎРГАНИШ

НАМУНАВИЙ ДАСТУРИ

I. ПРОКУРАТУРА ОРГАНЛАРИДА ИШЛАРНИ ТАШКИЛЛАШТИРИШ


– Ўзбекистон Республикасининг Конституцияси, «Прокуратура тўғрисида»ги Қонуни, прокуратура органларининг фаолиятини тартибга солувчи бошқа норматив-ҳуқуқий ҳужжатларни ўрганиш ва конспектлаштириш;
– Бош прокурорнинг соҳавий буйруқлари, низомлари ва йўриқномаларини ўрганиш ва конспектлаштириш;
– Бош прокуратура, Қорақалпоғистон Республикаси, вилоятлар, Тошкент шаҳар прокуратуралари ва уларга тенглаштирилган прокуратураларнинг тегишли ҳайъат қарорларини ўрганиш;
– туман (шаҳар) прокуратуралари ва уларга тенглаштирилган прокуратураларда (кейинги матнда – туман прокуратуралари) иш юритиш тартиби ва унга оид ҳужжатларни ўрганиш;
– туман прокуратураси иш режаларини ҳамда ҳуқуқни муҳофаза қилувчи органлар билан ҳамкорликдаги режаларни тузиш тартибини ўрганиш
ва уларнинг ижро этилишида иштирок этиш;
− қонунийлик ҳолати ва жиноятчилик аҳволига оид статистик ва бошқа маълумотларни талаб қилиб олиш тартибини, уларни таҳлил қилиш услубларини ўзлаштириш, текшириш объектлари ва предметларини аниқлаш, амалга оширилган ишларни умумлаштириш ва унинг натижаларидан прокурор назоратини ташкиллаштиришда фойдаланиш тартибини ўрганиш;
– прокурорлик фаолиятининг йўналишлари бўйича статистик ҳисоботларни тузиш ва таҳлил қилишда иштирок этиш.


II. ҚОНУНЧИЛИК ИЖРОСИ УСТИДАН НАЗОРАТ

– соҳага оид норматив-ҳуқуқий ҳужжатлар, услубий қўлланмалар

ва бошқа ҳужжатларни ўрганиш, қонунчилик ижроси устидан назорат текширишларига тайёргарлик кўриш, режалар тузишда ва текшириш ўтказишда иштирок этиш;
– муқаддам ўтказилган текширишларни таҳлил қилиш, текширишларни режалаштириш, ўтказиш ва натижаларини расмийлаштириш, шунингдек прокурор назорати ҳужжатларини тузиш тартибини ўрганиш;

Иш ўрганувчи мураббий ёки тегишли туман (шаҳар) прокурори ва унга тенглаштирилган прокурор раҳбарлигида мазкур соҳада камида ўнта текширишларда иштирок этади ва прокурор назорати ҳужжатлари лойиҳаларини тайёрлайди.