Psixologik trening

Nazorat uchun savollar.

1. 
   Yangicha ijtimoiy psixologik munosabatlarga o‘rgatish muammosi?
   
2. 
   Ijtimoiy psixologik bilimdonlik - samarali muomalaning muhim omili?
   
3. 
   Ijtimoiy psixologik treninglar tarixi?
   
4. 
   Ijtimoiy psixologik trening mohiyat?
   
5. 
   Ijtimoiy psixologik treningni ahamiyati?
   
6. 
   T- guruhlar haqida tushunchalar?
   

3. Mavzu: GURUHIY TRENINGLARNING TASHKILIY-USLUBIY JIHATLARI

Reja:

1. Treningga tayyorgarlik va treningni tashkil etish.

2. 
   Treningni moddiy texnik jihozlash.
   

3. Trening guruhining tuzilishi va trening guruhining psixologik o‘ziga xosligi.

4. 
   Trening guruini yig‘ishning o‘ziga xosligi, guruh ishtirokchilarining soni va yoshi.
   

5. Guruh ishtirokchilariningrasmiy mavqei, ma’lumoti, kasbiy mansubligi va milliy va diniy mansublik.

6. 
   Ishtirokchilaming individual-psixologik xususiyatlari va trening mahg‘ulotlarining reja va dasturi.
   

Tayans tushunchalar: treningga tayyorgarlik, guruhni tashkil etish yoki yig’ish bosqichi,boshlang’ich bosqich, ishni olib borish bosqichi,yakunlash bosqichi,moddiy texnik jihozlash, ishtirokchilar mavqei, ma’lumoti, kasbiy mansubligi va milliy va diniy mansublik, individual-psixologik xususiyatlar.

1. 
   Treningga tayyorgarlik va treningni tashkil etish. Psixologik treninglar tabiiy va maxsus tarzda uyushtirilgan bo’ladi. Maxsus tarzda uyushtirilgan treningda alohida vaziyatlar va o‘yin ishtirokchilarining shaxsiy ehtiyojlari, ularda individual shakillanishi zarur bo‘lgan sifatlar katta rol o’ynaydi va shaxs ataylab u yoki bu ijtimoiy psixologik vaziyatga o‘zgalar tomonidan tushurilishi haqida oldingi bo’limlarda ham keltirib o’tgan edik.
   

Trening mashg‘ulotlari uchun maxsus vaziyat, aniq maqsad, shaxsiy ehtiyojlar hamda mashg‘ulotlarni o‘tkazuvchi shaxs yoki boshlovchi bo’lishi zarur.

Eng muhimi guruhni tashkil qilish bosqichi bo’lib, bunda quyidagi jihatlarga e’tibor berish kerak:

• 
  Har qanday treningda (faqat nogironlar bilan o’tkaziladigan maxsus treninglarni hisobga olmaganda) tashqi jismoniy defektga ega bo’lgan va psixik holatida buzilishlar bo’lgan kishilar ishtirok etmasligi lozim. Negaki, bunday holatlarda aynan ana shunday kamchilikka ega bo’lganlarda aks ta’sir bo’lishi ehtimoli kuchliroqligi har qanday mutaxassis uchun tushunarli bo’lsa kerak.
  
• 
  guruh a’zolarining soni 8 tadan 12 tagacha (ba’zi hollardagina 20 tagacha) bo’lgani ma’qul.
  
• 
  ishtirokchilarning yoshi iloji boricha taxminan teng bo’lishi, ya’ni ular orasidagi farq 4-5 yoshni tashkil etishi mumkin (Alohida qayd etish lozim, 45-50 yoshdan kattalar uchun trening juda katta va ahamiyatli ta’sirga ega bo’lmasligi va ular kutganchalik natija bermasligi ham mumkin).
  
• 
  ishtirokchilar orasida ayol va erkaklar soni imkoni boricha teng bo’lishi kerak.
  
• 
  Bundan tashqari yana quyidagilarga ham e’tibor berish lozim bo’ladi:
  
• 
  Treningda muammosi bir xil bo’lgan odamlarni to’plash kerak.
  
• 
  Trening ishtirokchilari iloji boricha bir-biriga notanish bo’lishlari lozim.
  
• 
  Trening o’tkaziladigan xona albatta izolyatsiyalangan bo’lishi shart, ya’ni hech kim ularni bezovta qilishi mumkin emas va ular ham boshqalarga halaqit bermasligi kerak.
  
• 
  Rasmiylashgan guruh bo’lishiga yo’l qo’ymaslik lozim.
  
• 
  Trenerdan auditoriya erkin bo’lishini ta’minlash va auditoriyani yaxshi bilish talab etiladi.