Psixologik trening

Po’chtachi o’yini

Maqsad: ijobiy kayfiyatni hosil qilish, diqqat va reaksiyani rivojlantirish, ishtirokchilarni faollashtirish.
Kerakli resurslar: har bir ishtirokchi uchun bittadan aylana tarzida qo’yilgan stullar.
Jarayon: har bir ishtirokchi uchun bittadan aylana tarzida stullar qo’yiladi va ishtirokchilar joylashib o’tirib olishadilar. Shart tushuntiriladi, barcha ishtirokchilar o’rnidan turib iloji boricha tezlikada o’ng tarafdagi qo’shnisining bo’shagan stuliga o’tirib olishlari kerek. Harakat aylana bo’ylab davom etaveradi. Bunda muhimi, har bir ishtirokchi bo’shagan stulga o’tirib, tezlikda keyingi stulni bo’shshini kutmay o’rnida turishi va stul bo’shshi bilanoq unga o’tirib shu tarzda harakatni davom ettirishi lozim. O’yin 3-4 daqiqa davom etishi maqsadga muvofiq, chunki shuncha vaqtdan keyin ishtirokchilarda charchash yoki zerikish jarayoni boshlanadi.

“Ruchka o’yini”

Maqsad: koordinatsiya va diqqatni rivojlantirish, ishtirokchilarni faollashtirish.
Kerakli resursla: har bir ishtirokchi uchun ruchka.
Jarayon: ishtirokchilar aylana bo’lib bir birlariga yaqinroq turib olishlari lozim. Shundan so’ng har bir ishtirokchi qo’llarini gavdasidan 30 santimetr atrofida uzoqlikda (elkasining to’grisiga) ko’tarishlari so’raladi. Bunda ishtirokchilarning o’ng qo’lida ruchkani vertikal tarzda ushlab turishlari va chap qo’l kaftini osmonga qarata ochib turishlari lozim. Endi shart tushuntiriladi. Trener 1,2,3,4 deb (sonlar orasida pauza bilan sekin sanashi lozim) sanaganida ishtirokchilar ushbu harakatlarni bajaradi 1-2-o’ng qo’lidagi ruchkani o’ng tarafidagi qo’shnisining kaftiga qo’yadi va bir vaqtning o’zida chap tomonidagi ishtirokchi tomonidan o’zining qo’liga qo’yilgan ruchkani ushlaydi; 3-4-endi
yuqoridagi harakat teskari tomonga amalga oshiriladi (ruchkalar o’z egalariga qaytib keladi) ya’ni chap qo’lidagi ruchkani chap tarafidagi qo’shnisining kaftiga qo’yadi va bir vaqtning o’zida o’ng tomonidagi ishtirokchi tomonidan o’zining qo’liga qo’yilgan ruchkani ushlaydi. O’yin 1-2 marta sekin o’ynaladi. So’ngra trener ishtirokchilardan tezlashishni so’rab, tezroq sanashga o’tadi. O’yin 15-20 martagacha o’ynalishi mumkin.
Shuningdek, o’yinning ikkinchi bosqichi sifatida o’yin ko’rinishini bir oz o’zgartirish ham mumkin. Bunda ishtirokchilar qo’llarini yuqoridagiday ko’rinishda ushlab turadilar faqat endi qo’llarini to’g’riga uzatishni o’rniga chap qo’lini o’ng tomonga va o’ng qo’lini chap tomonga qo’llarini “x” tarzida uzatib oladilar. O’yin yuqoridagiday davom etaveradi. Endi bevosita qo’llar o’rni almashgach, ishtirokchilarga ularning o’ng qo’li chapining, chap qo’li esa o’ngining vazifasini bajarishi kerakligi tushuntiriladi. Ikkinchi bosqich 8-10 marta o’ynalishi yetarli.