Psixologik trening

“Derazada pashsha o’yini”

Maqsad: Jamoaviylikni rivojlantirish, mantiqiy tafakkurni o’stirish.
Kerakli resurslar: trener uchun qog’oz va ruchka.
Jarayon: Trener deraza rasmini chizib oladi va uni ishtirokchilarga bir marta ko’rsatadi. Va rasmni o’ziga qaratib “derazaga pashsha qo’ndi” deydi hamda uning derazada qanchalik ko’p yurishi ishtirokchilarga bog’liq deb tushuntiradi, hamda ishtirokchilarga pashshani iloji boricha derazadan chiqarib yubormaslikni so’raydi. Ishtirokchilar buning uchun tepaga, pastga, chapga, o’nga buyruqlaridan foydalanishlari mumkin. Agar ishtirikchilar ikkii marta ketma-ket teskari taraflarga boshlovchi buyruqlarni bersa, pashsha derazani tark etadi. O’yin ishtirokchlilar pashshani derazada o’nga- pastaga- chapga- tepaga tarzida yoki huddi shunday teskari tomonga aylana bo’ylab chiqib ketmaydigan holda harakatlantirmagunlarigacha davom etdadi. Bunda muhimi, ishtirokchilar hamma bir qarorga kelib pashshani boshqarish kerakligini hamda mantiqiy fikrlash asosida pashshani derazada faqat aylana bo’ylab ya’ni o’nga- pastaga- chapga- tepaga tarzida harakatlantirish kerakligini tushunib olishlari joiz.






Chaqaloq
Maqsad: ishtirokchilarda quvnoq kayfiyatni hosil qilish, ishtirokchilar orasida o’zaro yaqinlikni tarkib toptirish.
Kerakli resurslar: chaqaloq shaklida taxlangan choyshab yoki adeyal (buni o’rnida silindr shaklida o’ralgan vatman qog’ozni ishlatish ham mukin).
Jarayon: ishtirokchilardan aylana bo’lib turib olish so’raladi. Faraz qiling bu chaqaloq deb ishtirokchilardan biriga oldindan tayyorlab qo’yilgan “chaqaloq” beriladi. Siz buni erkalatishingiz, shirin so’zlar gapirishingiz va ovutishingiz kerak bo’ladi. Bu ishni har bir ishtirokchi o’ng tomonga qarab
aylana bo’ylab navbatma-navbat bajarib chiqishlari kerak bo’ladi. Bunda aytilgan so’zlar yoki qilingan hatti-harakatlarni iloji boricha qaytarmasdan boshqa so’zlani ishlatish va boshqacha harakatlarni amalga oshirish so’raladi. Ishtirokchilar ushbu shatni aylana bo’ylab bajarib bo’lishgach, ikkinchi shart ma’lum qilinadi, u quyidagicha: endi ishtirokchilar o’zidan o’ng tomondagi ishtirokchiga qarab chaqaloqni qanday va nima so’zlar bilan erkalatgan bo’lsa, (huddi o’shanday hatti harakatni amalga oshirishi ya’ni o’z sherigini ko’tarishi shart emas, shunchaki verbal tarzda) o’sha holatga o’xshatib o’z sherigini erkalatishi yoki gapirib ovutishi kerak bo’ladi.